Yohanes 19:34 - Porjanjian Boharu Torjomahan Baso Dilakng Soari-ari

³⁴ Apo ado projurit inyo monumba' porut Yesus. Darah agatn ara'i lansukng mongalir koluar.

Yohanes 19:34 ပူးပေါင်းရင်းမြစ်များ

Matius 27:62

Kohobu'annyo, ari Sabat, boko imam kopala' ongko boko pomimpitn agama Yahudi doi' kolompok Farisi, sia' botula' mohadap Pilatus.

Yohanes 19:33

Apo, pas sia' sampai ko Yesus, sia' moniant obai Sio udah mati. Jadi, sia' kinyo momatahan kaki-Nyo.

Yohanes 20:20

Lopas jadi Sio bopandir bunyi nantai, Sio moniant'an bokas lukonyo ko sia' di jari huatan porut-Nyo. Watu sia' moniant Tuhatn, sia' sonang bondar.

Kisah Boko Rasul 22:16

Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 9:13

Monurut poraturan agama, boko urakng inyo kinyo borosih gola' dikopociri agatn darah doi' kambikng sabukan, darah doi' sapi sabukan, ongko habu doi' kurbatn ana' sapi inyo ditunu'i pakai' diposombahan ko Allah. Aman darah ongko habu nantai ulih mombulah sia' monjadi borosih agi',

Ibrani 9:22

Memang monurut Hukupm Torat, hampir somuo hal monjadi borosih agatn darah. Dosa monsio bayo ulih diamputi aman darah doi' kurbatn posombahan ditumpahan.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

1 Yohanes 5:6

Yesus Kristusnam inyo datakng ko dunia. Huatan timpu nantai, ado hal inyo bosasi mongona'i sopo Sio sobondarnyo, ia'an nantai ara'i timpu Yesus dibaptis, huatan darah timpu Yesus mati. Co bayo ado ara'i, apo ado darah jam. Roh Allah jam bosasi mongona'i sopo Sio, obai Roh Allah bosasi somuo inyo bondar.

1 Yohanes 5:8

ia'an nantai Roh Allah, ara'i ongko darah. Kotigo hal nantai bosasi hal inyo samo mongona'i Yesus.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.