Yohanes 19:30 - Porjanjian Boharu Torjomahan Baso Dilakng Soari-ari

³⁰ Lopas Yesus mominum ara'i anggur nantai, Sio bopandir, “Tuntukam!” Lalu, Sio monundu'an kopala'-Nyo, monyorahan kosih-Nyo.

Yohanes 19:30 ပူးပေါင်းရင်းမြစ်များ

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Matius 27:50

Yesus mondorah agi' agatn saro borakng, lalu monyorahan nyao-Nyo lalu matiam.

Matius 3:15

Apo Yesus monimbas, “Biaram kolai molabuhan nantai dalapm watu ni'in. Obai agatn ubo nanam kito momonuhi somuo hal inyo dikohonda'i Allah.” Jadi, Yohanes monuruti pomandiran Yesus nantai. Io mombaptis Yesus.

Markus 15:37

Yesus mondorah agi' agatn saro borakng, huatan monyorahan kosih-Nyo.

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 23:46

Lalu Yesus mondorah agatn saro kotakng borakng, “Bopai! Ko dalapm kuaso Duatn Ku sorahan kosih-Ku!” Lopas jadi bopandir ubo nantai, Io pan matiam.

Yohanes 10:11

Aku ninam pongombolo inyo boi'. Pongombolo inyo boi' monyorahan hidupnyo pakai' monyolamant'an boko dombanyo.

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Roma 3:25

Sio mombayar agatn darah-Nyo siku' timpu Sio mati di kayu salib. Sio monjadi kurbatn oca' dosa urakng ulih diamputi, ia'an aman sia' pocayo ko Sio. Allah monyorahan Yesus sama'an nantai pakai' monunju'an obai Sio adil huatan mohukupm dosa. Komai, Allah sabar agatn monsio. Sio bolupm mohukupm somuo dosa sia'.

1 Korintus 5:7

Jadi, kaitn gola' monundukng urakng inyo bodosa nian oca' dosa dijouhan doi' kaitn, obai udah soharusnyo dosa kinyo ado agi' di antaro kaitn. Sobab, Kristus udah monjadi sama'an domba inyo disombolih pado Ari Rayo Paskah.

Filipi 2:8

Apotolagi', watu Sio monjadi monsio, Sio morendahan diri-Nyo ongko taat agatn kohonda' Allah sampai mati ia'an mati di kayu salib.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 9:22

Memang monurut Hukupm Torat, hampir somuo hal monjadi borosih agatn darah. Dosa monsio bayo ulih diamputi aman darah doi' kurbatn posombahan ditumpahan.