Yohanes 19:28 - Porjanjian Boharu Torjomahan Baso Dilakng Soari-ari

²⁸ Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Yohanes 19:28 ပူးပေါင်းရင်းမြစ်များ

Yohanes 19:30

Lopas Yesus mominum ara'i anggur nantai, Sio bopandir, “Tuntukam!” Lalu, Sio monundu'an kopala'-Nyo, monyorahan kosih-Nyo.

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Yohanes 19:24

Boko projurit nantai bopandir ko siku'-monyiku', “Jangan kito birat-birat jubah ni'in. Mara kito boundi pakai' monontuan sopo inyo mondapat'annyo.” Nantai tojadi oca' lapo inyo ditulis di Buku Suci digonapi. Bunyi tulisannyo ni'in: “Sia' mombagi-bagi pakai'an-Ku. Sia' boundi pakai' jubah-Ku.” Hal nantai inyo dilabuhan boko projurit.

Lukas 18:31

Yesus moningkau koduo bolas rasul oca' bokumpul di tompat husus agatn Sio. Ongko bopandir, “Dinga'anbo! Kito molajuan pojalatan kito agi' monuju kota Yerusalem. Di su'utn, tajahan tojadi sosuai agatn la'apo inyo holu udah ditulis boko nabi mongonaꞌi Ana' Monsio.

Yohanes 18:4

Apo, Yesus udah mongotohu'i boko hal inyo paca'an tojadi tohadap diri-Nyo. Jadi, Sio mohampiki sia', lalu botakutn, “Kaitn monggoyapi sopo?”

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Kisah Boko Rasul 13:29

Apo sia' co tohu hal nantai. Lopas somuo posatn mongona'i Yesus udah digonapi, sia' monurutan Sio doi' kayu salib. Ongko sia' momasar bangkai-Nyo di dalapm gua batu.

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 19:36

Nantai tojadi ko bangkai Yesus oca' lapo inyo ditulis di Buku Suci digonapi. Ni'in pomandirannyo: “Conyiant tulakng-Nyo inyo dipatahan.”