Yohanes 19:25 - Porjanjian Boharu Torjomahan Baso Dilakng Soari-ari

²⁵ Indai Yesus bodiritn di dampikng kayu salib-Nyo. Di santai jam bordiritn somadikan indai-Nyo, Maria (bini Klopas), ongko Maria Magdalena.

Yohanes 19:25 ပူးပေါင်းရင်းမြစ်များ

Lukas 23:49

Di santai jam, ado banyaꞌ kawal Yesus inyo kotakng jamo, tomansu' boko botina' inyo tuyut Sio doi' doerah Galilea. Sia' moniant somuo kojadian nantai jam apo bodiritn jojouh.

Yohanes 20:1

Watu ari Minggu, sunsukng pukau, ari pan ija' potakng, Maria Magdalena botula' ko pasaran Yesus. Io moniant batu ponutup udah togeser doi' tompat mansu' gua pasaran nantai.

Lukas 24:18

Lalu siku' urakng doi' sia', inyo bodamo Kleopas, bopandir, “Somuo urakng inyo datakng ko kota Yerusalem pakai' morayaan Paskah udah tohu apo inyo tojadi di su'utan watu ni'in. Pasti ongkah Duatam inyo kinyo tohu?”

Lukas 8:2

Ado banyaꞌ jam boko botina' inyo tuyut. Sia' udah dinyamani doi' bomacapm ponyakit huatan boko roh jahat. Di antaronyo ado Maria, Yohana, ongko Susana. (Maria nantai disobut Magdalena. Tujuh roh jahat udah ditundukng doi' io. Yohana bini Khuza. Khuza nantai ia'an kopala' pogawai istana Rajo Herodes.) Somuo boko botina' inyo tuyut Yesus moonju' duit sia' siku' pakai' monulukng polayatan sia'.

Markus 16:9

Lopas Yesus udah bobali' hidup, kotakan sunsukng watu ari Minggu nantai, potamo Sio moniant'an diri-Nyo ko Maria Magdalena, inyo kalo Sio tundukng tujuh roh jahat doi' bukakng-tubuhnyo.

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.