Yohanes 19:20 - Porjanjian Boharu Torjomahan Baso Dilakng Soari-ari

²⁰ Banya' urakng Yahudi inyo mombaco tulisan nantai obai tompat Yesus disaliban dampikng kota mo. Solaitn nantai, pomandiran nantai ditulis dalapm baso Ibrani, baso Latin ongko baso Yunani.

Yohanes 19:20 ပူးပေါင်းရင်းမြစ်များ

Lukas 23:38

Ado jam tulisan dipasakng dibuai pucu' kayu salib. Tulisan nantai bobunyi, “Ninam Rajo Urakng Yahudi.”

Yohanes 19:13

Pas Pilatus mondinga' pandir nantai, io monyiuh oca' Yesus dibaba' ko luar. Pilatus dudu' di krosi tompat io moadili pokaro inyo tolota' di tompat inyo bodamoan ‘Lantai Batu’. (Damo tompat nantai dalapm baso Ibrani Gabata.)

Yohanes 19:42

Sia' gola' hagar momasar Yesus obai ari Sabat hampikam. Jadi, obai pasaran nantai dampikngmo, ongko sia' momasar Yesus di santaiam.

Yohanes 5:2

Di Yerusalem ado sobuah pintu gerbakng mansu' kota, damonyo Pintu Gerbakng Domba. Dampikng di siatn tai ado sobuah kolapm. Dalapm baso Ibrani kolapm nantai disobut ‘Betesda’. Kolapm nantai ado lima' polantaran.

Kisah Boko Rasul 21:37

Timpu boko projurit nantai honda' mombaba' Paulus ko dalapm markas, Paulus botakutn ko komandatn pasukan nantai. Katonyo, “Bopai, ulih cado bopandir sobontar agatn duatn?” Komandatn pasukan monimbas, “Kolai ulih bobaso Yunani!

Kisah Boko Rasul 21:40

Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.

Kisah Boko Rasul 22:2

Urakng banya' nantai monjadi lobih langunt obai io bopandir dalapm baso Ibrani. Paulus molajuan bopandir,

Kisah Boko Rasul 26:14

Lansukng koi somuo tokorobah ko tanah. Ongko, aku mondinga' saro urakng inyo bopandir ko aku dalapm baso Ibrani. Kato-Nyo, ‘Saulus, Saulus, botongga'cam kolai mondorako'i Aku! Kolai bayo momodihi diri kolai siku' mo, aman kolai molawatn Allah.’

Ibrani 13:12

Nantaiam sobabnyo Yesus mati di luar pintu gerbakng kota jam, oca' umat-Nyo ulih diborosihi doi' dosa sia' agatn momakai darah-Nyo siku'.

Wahyu 9:11

Rajo inyo momorintah sia' ia'an molekat Jurakng Maut. Damonyo dalapm baso Ibrani ia'an ‘Abadon’, dalapm baso Yunani ia'an ‘Apolion’. Rotinyo ‘urakng inyo mombonasoan.’