Yohanes 19:18 - Porjanjian Boharu Torjomahan Baso Dilakng Soari-ari

¹⁸ Di santai Sio dipaku di kayu salib. Timpu nantai pan ado duo urakng bukai dipaku di kayu salib, siku' di sopia' kanan ongko siku' di sopia' kiba' Yesus.

Yohanes 19:18 ပူးပေါင်းရင်းမြစ်များ

Matius 27:44

Koduo urakng ponjahat inyo dipaku di kayu salib di sopia' Yesus, sia' pan mohanyam Sio ubo nantaiam.

Yohanes 18:32

(Nantai tojadi oca' pomandiran Yesus monjadi nyata, ia'an nantai pomandiran Yesus mongona'i caronyo Sio paca'an mati).

Yohanes 19:32

Jadi, boko projuritnyo botula' ko tompat boko urakng inyo dihukupm mati di kayu salib. Sia' momatahan kaki urakng inyo potamo lalu momatahan kaki urakng inyo koduo inyo di hukupm mati di kayu salib timpu samo agatn Yesus.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.