Yohanes 19:11 - Porjanjian Boharu Torjomahan Baso Dilakng Soari-ari

¹¹ Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Yohanes 19:11 ပူးပေါင်းရင်းမြစ်များ

Matius 26:65

Mondinga' nantai, Imam Agukng nantai mombirat-birat pakai'annyo. Katonyo ko boko pomimpitn inyo bukai di santai, “Io mohayam Allah! Co pontikng bogoyap sasi pakai' mongatoan kosalahan-Nyo! Kaitn udah mondinga' Sio mohayam Allah.

Matius 27:2

Sia' mongobat Sio, mombaba'-Nyo, lalu monyorahan-Nyo ko Pilatus, gubernur propinsi nantai.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Markus 14:44

(Nah, sobolupmnyo, Yudas nantai udah bohajat pakai' monyorahan Yesus ko rombokan inyo molawatn Yesus nantai. Io moonji'i tando ni'in ko sia'. Katonyo, “Urakng inyo ku ciupm, nanam urakngnyo. Tangkap cam Io! Baba'cam Io ko boko pomimpitn agama. Somanah nantai, jago'i cam Io bobondar.”)

Lukas 22:53

Sotiap ari Aku hala ada'an agatn kaitn di tongahlamanan Rumah Allah, apo timpu nantai kaitn co monangkap Aku. Apo ninam watunyo kaitn labuh, watu Rajo Sitatn bulah pokoroja'annyo inyo jahat.”

Yohanes 18:13

Mulonyo sia' mombaba' Yesus ko Hanas, obai Hanas montuho lolaki Kayafas, huatan Kayafasnam Imam Agukng watu tohutn nantai.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Yohanes 19:10

Jadi, Pilatus bopandir ko Sio, “Co Kolai honda' bopandir agatn aku, bai!? Kolai gola' tohu obai aku bokuaso pakai' mombebasan Kolai. Aku pan bokuaso pakai' bulah Kolai dihukupm mati di kayu salib!”

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 9:41

Timbas Yesus agatn sia', “Soandainyo kaitn buto, kaitn co bodosa. Apo kaitn mongatoan kaitn ulih moniant. Jadi, ija' ado dosa kaitn.”

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Kisah Boko Rasul 4:28

Apo Duatn Maho Kuaso inyo moatur somuonyo doi' joman komai. Somuonyo nantai udah tojadi obai sosuai agatn kohonda' Duatn.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

Roma 13:1

Somuo urakng gola' monaati pomorintah obai Allah inyo moonji'i kuaso ko sia' pakai' momorintah. Allah monotap'an somuo pomorintah inyo ado.

Yakobus 1:17

Allah inyo moonji'i somuo inyo boi' huatan sompurna. Sio inyo mombulah matoari, bulatn, huatan somuo bintakng di langit. Sio co kalo borubah sama'an kombayakng inyo bopindah-pindah. Sio hala boi'.

Yakobus 4:17

Kaitn udah mongotohu'i la'apo inyo boi'. Jadi, urakng inyo udah mongotohu'i nantai, apo co molabuhannyo, urakng ubo nian bodosa.