Yohanes 18:40 - Porjanjian Boharu Torjomahan Baso Dilakng Soari-ari

⁴⁰ Apo, sia' mondongkakng-mondorah, “Jangan! Jangan dilopasan Sio nan. Lopasan ja'am Borabas!” (Nah, Borabas ninam porampok inyo molawatn pomorintah Romawi.)

Yohanes 18:40 ပူးပေါင်းရင်းမြစ်များ

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Matius 27:16

Watu nantai ado sikuꞌ urakng di ponjara inyo tokonal. Damonyo Yesus Barabas.

Matius 27:26

Lalu, Pilatus mombebasan Barabas obai porminta'an sia'. Apo Yesus dicambuk. Lalu Pilatus monyorahan Yesus ko boko projuritnyo pakai' dihukupm mati di kayu salib.

Markus 15:15

Obai Pilatus honda' monyonangan urakng banya' nantai, jadi io molopasan Barabas obai porminta'an sia'. Apo Yesus dicambuk. Lalu Pilatus monyorahan Yesus ko boko projuritnyo oca' dihukupm mati di kayu salib.

Markus 15:7

Timpu nantai ado urakng di ponjara inyo bodamoan Barabas. (Barabas ditamoan ko dalapm ponjara bosamo agatn boboropo urakng inyo mombulah pomborontakan molawatn pomorintah Romawi. Sia' pan mombunuh dalapm pomborontakan nantai.)

Lukas 23:25

Biar pan Barabas ditamoan ko dalapm ponjara obai bulah korusuhan huatan pombunuhan, Pilatus totap molopasan Barabas, lalu monyiuh boko projuritnyo pakai' mohukupm mati Yesus di kayu salib obai nantai kohonda' boko urakng banyaꞌ.