Yohanes 18:37 - Porjanjian Boharu Torjomahan Baso Dilakng Soari-ari

³⁷ Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 18:37 ပူးပေါင်းရင်းမြစ်များ

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Matius 27:11

Jadi Yesus dibaba' ko pohadapan gubernur Pilatus. Gubernur nantai botakutn ko Sio, “Bondaram Duatn ni'in rajo urakng Yahudi?” Timbas Yesus, “Ubo inyo kolai katoannam.”

Markus 14:62

Timbas Yesus, “Aku nam io nantai. Kaitn paca'an moniant ana' Monsio dudu' di tompat inyo tohormat di sopia' kanan Allah Inyo kotakan bokuaso. Nononyo, kaitn pan paca'an moniant Io datakng di pucu' boko awatn di langit.”

Markus 15:2

Pilatus botakutn ko Yesus, “Apo bai Kolai rajo urakng Yahudi?” Timbas Yesus, “Sama'an inyo kolai katoan nam.”

Lukas 22:70

Sia' somuo monimbas, “Aman ubo nian, Duatn ni'in ana' Allah?” Timbas Yesus, “Ubo pandir kaitn nam.”

Lukas 23:3

Lalu Pilatus botakutn ko Yesus, “Bondaram Kolai rajo urakng Yahudi?” Timbas Yesus, “Ubo pandir kolai nam.”

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 3:32

Sio momadahan mongona'i somuo inyo Sio tiat huatan Sio dinga'. Apo, conyiant ado urakng inyo pocayo agatn pomandiran-Nyo.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Yohanes 8:14

Yesus monimbasi sia'. Kato-Nyo, “Biar pan Aku bosasi mongona'i diri-Ku sikuꞌ, kosasian-Ku totap bondar. Obai, Aku tohu doi' mono Aku datakng huatan ko mono Aku botula'. Apo kaitn co tohu doi' mono Aku datakng huatan ko mono Aku botula'.

Yohanes 8:45

Apo, Aku momandiran kobondaran ko kaitn. Obai nantai, kaitn co pocayo agatn pomandiran-Ku.

Yohanes 8:46

Sopo di antaro kaitn inyo ulih mombutian obai Aku bulah dosa? Aman Aku mongatoan kobondaran, hibo kaitn co pocayo pomandiran-Ku?

Yohanes 8:47

Urakng inyo boasal doi' Allah honda' mondinga' Pomandiran Allah. Apo kaitn bukainyo boasal doi' Allah, nianam sobabnyo kaitn co honda' mondinga'an pandir-Ku.”

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Yohanes 2:21

Aku monulis ni'in ko kaitn, bukainyo obai kaitn co mongotohu'i kobondaran, apo obai kaitn mongotohu'inyo. Obai kaitn pan mongotohu'i obai conyiant kotumbukan di dalapm ajaran inyo bondar nantai.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.

1 Yohanes 3:19

Aman kito bondar-bondar mongasihi sama'an nantai, jadi kito paca'an mongotohu'i obai kito boasal doi' kobondaran. Ubo nianam, hati kito tenang di hadapan Allah.

1 Yohanes 4:6

Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.