Yohanes 18:32 - Porjanjian Boharu Torjomahan Baso Dilakng Soari-ari

³² (Nantai tojadi oca' pomandiran Yesus monjadi nyata, ia'an nantai pomandiran Yesus mongona'i caronyo Sio paca'an mati).

Yohanes 18:32 ပူးပေါင်းရင်းမြစ်များ

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 20:19

Lalu sia' paca'an monyorahan Sio ko boko urakng inyo bukainyo urakng Yahudi oca' Sio dipoulu'an, disipat, dipantu' lalu dibunuh di kayu salib. Apo watu ari kotigo, Allah paca'an bulah Sio bobali' hidup agi'.”

Yohanes 8:28

Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.

Markus 10:33

Kato-Nyo, “Kito botula' ko Yerusalem watu ninam. Di su'utan, Ana' Monsio paca'an disorahan ko boko imam kopala' huatan ko boko guru agama Yahudi. Sia' paca'an mombulah koputusan obai Io gola' dihukupm mati. Lopasnyo sia' paca'an monyorahan Io ko boko urakng inyo bukainyo urakng Yahudi.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Kisah Boko Rasul 7:59

Timpu boko urakng monikapi Stefanus agatn batu, io bodoa, “Tuhatn Yesus, torima'cam rohku.”

Yohanes 10:33

Kato sia', “Koi honda' monikapm Duatn agatn batu bukainyo obai pokoroja'an boi' inyo Duatn labuhan, apo obai Duatn mohayam Allah. Duatn bayo monsio mo, apo Duatn monyamoan diri Duatn agatn Allah!”

Yohanes 10:31

Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 18:31

Kato Pilatus ko sia', “Kaitn ja' mombaba' Io lalu moadili Io sosuai agatn hukupm kaitn.” Apo boko urakng Yahudi nantai bopandir, “Pomorintah Romawi morarakng banso koi mohukupm mati urakng.”

Yohanes 21:19

(Yesus momadahan nantai pakai' monunju'an caronyo Petrus paca'an mati. Agatn caro ubo nantai, Petrus nantai, paca'an momuliaan Allah.) Lopas Yesus jadi momadahan bunyi nantai, Sio bopandir ko Petrus, “Hincapm tuyut Aku!”