Yohanes 18:30 - Porjanjian Boharu Torjomahan Baso Dilakng Soari-ari

³⁰ Timbas sia', “Soandainyo Urakng ni'in co bosalah koi co mombaba'-Nyo ko duatn.”

Yohanes 18:30 ပူးပေါင်းရင်းမြစ်များ

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Yohanes 19:12

Tangga'i nantai, Pilatus honda' molopasan Yesus. Apo, boko urakng Yahudi mondorah, “Urakng ni'in mongatoan diri-Nyo rajo. Sotiap urakng ubo nian molawatn Kaisar, Rajo Roma. Jadi, aman kolai molopasan-Nyo, boroti kolai pan molawatn Kaisar.”

Lukas 24:7

Watu nantai Yesus bopandir agatn kaitn, ‘Ana' Monsio gola' disorahan ko urakng bodosa, lalu dihukupm mati di kayu salib. Apo timpu ari inyo kotigo, Aku tajahan bobali' hidup.’ ”

Markus 15:3

Boko imam kopala' moajuan banya' tuduhan molawatn Sio.

Markus 10:33

Kato-Nyo, “Kito botula' ko Yerusalem watu ninam. Di su'utan, Ana' Monsio paca'an disorahan ko boko imam kopala' huatan ko boko guru agama Yahudi. Sia' paca'an mombulah koputusan obai Io gola' dihukupm mati. Lopasnyo sia' paca'an monyorahan Io ko boko urakng inyo bukainyo urakng Yahudi.

Yohanes 18:29

Obai nantai, gubernur Pilatus koluar monomu'i sia'. Io botakutn, “La'apo tuduhan kaitn ko Urakng ni'in?”

Yohanes 18:31

Kato Pilatus ko sia', “Kaitn ja' mombaba' Io lalu moadili Io sosuai agatn hukupm kaitn.” Apo boko urakng Yahudi nantai bopandir, “Pomorintah Romawi morarakng banso koi mohukupm mati urakng.”

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

1 Petrus 4:15

Jangannam ado di antaro kaitn inyo gola' mondorita' obai kaitn mombunuh urakng bukai, mongolit, bulah kojahatan damo bulah korusuhan.