Yohanes 18:20 - Porjanjian Boharu Torjomahan Baso Dilakng Soari-ari

^20-21 Apo Yesus bopandir ko io nantai, “Hibo kolai botakutn ko Aku? Aku hala bopandir torus-torakng di muka' umum. Aku hala mongajar di boko rumah sombayakng, huatan di Rumah Allah jam, tompat somuo urakng Yahudi bokumpul. Kinyo kalo Ku bumbutn. Takutan ja'am ko sia' inyo udah mondinga' boko ajaran-Ku. Pasti sia' tohu lapo inyo Ku katoan.”

Yohanes 18:20 ပူးပေါင်းရင်းမြစ်များ

Yohanes 7:26

Apo, porotian bo! Sio bopandir di pohadapan urakng banya' kotakan bebas. Sia' co mongatoan lapo pan molawatn Sio. Mungkitn bai sia' udah tohu obai Sio nam Kristus, Rajo Inyo Dijanjian Allah?

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Lukas 21:37

Sotiap ari Yesus mongajar di tongahlamanan Rumah Allah. Sotiap malapm, Sio tidu' di bukit Jaitun di luar kota Yerusalem.

Yohanes 7:4

Aman urakng honda' monjadi tokonal, io kinyo moombakan lapo inyo dipulahnyo. Jadi, aman Duatn bulah mujisat, tunju'ancam diri Duatnko somuo urakng di dunia.”

Lukas 4:15

Sio mongajar diboko rumah sombayakng di santai. Ongko somuo boko urakng momuji Sio.

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

Yohanes 8:26

Ija' ado banya' hal mongona'i kaitn inyo honda' Ku padahan huatan inyo honda' Ku hakipi. Apo, Aku ongkah monyampaian ko kaitn di dunia ni'in, boko hal inyo Ku dinga' doi' Sio inyo moutus Aku, Sio nianam inyo bondar.”

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

Yohanes 7:28

Jadi, watu Yesus mongajar di tongahlamanan Rumah Allah, Sio bopandir agatn saro borakng, “Kaitn konal Aku huatan doi' mono asal-Ku! Apo Aku datakng kinyo kohonda'-Ku siku'. Aku diutus Sio inyo bondar. Kaitn co tohuan Sio.

Yohanes 7:14

Watu tongahan poraya'an nantai, Yesus botula' mongajar di tongahlamanan Rumah Allah.

Matius 26:65

Mondinga' nantai, Imam Agukng nantai mombirat-birat pakai'annyo. Katonyo ko boko pomimpitn inyo bukai di santai, “Io mohayam Allah! Co pontikng bogoyap sasi pakai' mongatoan kosalahan-Nyo! Kaitn udah mondinga' Sio mohayam Allah.

Kisah Boko Rasul 26:26

Rajo Agripa pan udah tohu mongona'i boko hal ni'in. Obai nantai, aku ulih bopandir agatn torus torakng ko io. Aku yakitn obai io udah kalo mondinga' mongona'i boko hal ni'in. Pasti io tohu somuonyo obai boko hal ni'in tojadi di boko tompat inyo dikotohu'i urakng banya'.”

Matius 24:26

Jadi, aman urakng bopandir ko kaitn, ‘Tiat, Rajo Inyo Dijanjian Allah ado di padakng pasir,’ jangan kaitn botula' ko su'utn. Damo aman sia' bopandir, ‘Tiat, Sio botapu' dalapm kamar di su'utn,’ jangan pocayo.

Markus 8:32

Yesus momandiran ko boko murid-Nyo mongona'i hal nantai agatn torus torakng. Apo Petrus mondudus Yesus ko sopia' ongko monogur Sio agatn koras.

Yohanes 6:59

Yesus momadahan somuo nantai timpu Sio mongajar di rumah sombayakng di kota Kapernaum.