Yohanes 18:17 - Porjanjian Boharu Torjomahan Baso Dilakng Soari-ari

¹⁷ Botina' polayatn nantai sampat botakutn ko Petrus, “Kolai ni'in pan murid Urakng inyo ditangkap nantai pan?” Timbas Petrus, “Cado!”

Yohanes 18:17 ပူးပေါင်းရင်းမြစ်များ

Yohanes 21:15

Lopas sia' jadi makatn, Yesus bopandir ko Simon Petrus, “Simon, ana' Yohanes, kolai mongasihi Aku lobih doi' sia' ni'in kata'an cadoai?” Timbas Petrus ko Sio, “Bondar Tuhatn! Duatn tohu obai aku mongasihi Duatn. Kato Yesus ko io, kobolocam boko domba-Ku.”

Yohanes 18:25

Simon Petrus ija' botindudi santai. Ado boboropo urakng inyo bopandir ko io, “Kolai ni'in pan murid Urakng inyo ditangkap nantai bai?” Apo Petrus monyangkal. Katonyo, “Cado!”

Yohanes 18:16

Apo Petrus tinggal di luar mo, dampikng sambakng lawakng pagar rumah nantai. Jadi, murid inyo bukai nantai bobali' ko luar, lalu bopandir agatn polayatn botina' inyo monjago lawakng nantai. Lalu, io ulih mombaba' Petrus mansu' ko tongahlamanan rumah nantai jam.

Lukas 22:54

Sia' monangkap Yesus ongko mombaba'-Nyo ko rumah Imam Agukng. Petrus mombodapan doi' jouh.

Matius 26:33

Petrus bopandir ko Yesus, “Mungkitn somuo kawal inyo bukai paca'an moninggalan Duatn, apo pasti aku cado!”

Kisah Boko Rasul 12:13

Timpu nantai, Petrus mongetok lawakng rumah nantai. Polayatn rumah nantai datakng pakai' mongotohu'i sopo inyo ado di muka' lawakng. Damo botina' nantai Rode.

Yohanes 18:8

Timbas Yesus, “Udah-Ku padahan ko kaitam Aku ninam Io nantai. Jadi, aman kaitn monggoyapi Aku, longahan boko murid-Ku ni'in botula'.”

Yohanes 18:5

Timbas sia', “Koi monggoyapi Yesus doi' laman Nazaret.” Kato Yesus, “Aku ninam Io nantai.” (Yudas inyo honda' monyorahan Yesus, ko boko musuhnyo, io pan bodiritn bosamo agatn sia').