Yohanes 18:15 - Porjanjian Boharu Torjomahan Baso Dilakng Soari-ari

¹⁵ Simon Petrus huatan siku' murid inyo bukainyo mombodapan Yesus. Murid inyo bukai mongonal Imam Agukng. Jadi, io mansu' ko tongah lamanan rumah Imam Agukng nantai bosamo agatn Yesus agatn rombokan nantai.

Yohanes 18:15 ပူးပေါင်းရင်းမြစ်များ

Matius 26:3

Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Markus 14:54

Petrus bontuyutan Yesus doi' jouh sampai ko tongahlamanan rumah Imam Agukng nantai. Di santai, Petrus dudu' dampikng api kapikng botindu agatn boko ponjago.

Lukas 22:54

Sia' monangkap Yesus ongko mombaba'-Nyo ko rumah Imam Agukng. Petrus mombodapan doi' jouh.

Yohanes 18:24

Lopas nian, Hanas monyiuh oca' Yesus dibaba' ko Kayafas, Imam Agukng. Watu nantai, longan Yesus ija' dikobat.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.