Yohanes 18:10 - Porjanjian Boharu Torjomahan Baso Dilakng Soari-ari

¹⁰ Watu nantai Simon Petrus ado podakng. Io moncabut podakng nantai, ongko molabuhi siku' urakng polayatn Imam Agukng. Damo polayatn nantai Malkus. Petrus momopat kolindakan buai kanannyo sampai pogat.

Yohanes 18:10 ပူးပေါင်းရင်းမြစ်များ

Markus 14:47

Siku' urakng inyo monambahi Yesus moncabut podakng, lansukng monyorakng siku' hulutn Imam Agukng. Io momopat kolindakan hulutn nantai sampai putus.

Yohanes 18:26

Lalu, ado polayatn Imam Agukng di santai. Io ado hubukan koluarga agatn polayatn inyo Petrus popat kolindakannyo. Io bopandir, “Tontai aku moniant kolai di kobutn nantai bosamo-samo agatn Sio. Bondaram pan?”

Lukas 22:33

Petrus monimbas, “Tuhatn, aku udah siap tamo ponjara sosamo agatn Duatn! Biar pan sampai aku mati sosamo agatn Duatn, aku udah siap!”

Markus 14:30

Apo Yesus bopandir ko io, “Dinga'an nam! Timpu malapm ni'in jam kulo paca'an monyangkal Aku sampai tigo kali sobolupm manu' bokuku' duo kali.”