Yohanes 17:6 - Porjanjian Boharu Torjomahan Baso Dilakng Soari-ari

⁶ “Ado boko urakng doi' dunia ni'in inyo Duatn sorahan ko aku. Aku udah mongonalan Duatn ko sia' nantai. Sia' nam umputn Duatn, lalu Duatn udah moonju' sia' ko aku. Sia' udah monuruti la'apo pan pomandiran Duatn.

Yohanes 17:6 ပူးပေါင်းရင်းမြစ်များ

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 12:28

Bopai, muliaancam damo Duatn!” Ongko ado saro Allah doi' sorugo inyo mongatoan, “Aku udah momuliaan-Nyo. Aku paca'an momuliaan-Nyo agi'!”

Yohanes 15:19

Soandainyo kaitn ija' bosatu agatn boko urakng di dunia, pasti sia' mongasihi kaitn obai sokolompok agatn sia'. Apo, kaitn co bosatu agatn boko urakng di dunia. Aku udah momilih kaitn doi' sia'. Nantai sobabnyo sia' bonci'an kaitn.

Yohanes 15:3

Kaitn udah borosih obai kaitn pocayo agatn la'apo inyo Ku pandiran ko kaitn.

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 17:14

Udah-Ku padahannam ko sia' somuo pomandiran Duatn. Jadi boko urakng dunia bonci'an sia', obai sia' bukainyo umputn dunia, samo sama'an Aku inyo bukainyo umputn dunia jam.

Yohanes 17:16

Sia' bukainyo umputn dunia, samo sama'an Aku inyo bukainyo umputn dunia jam.

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Yohanes 17:26

Aku udah mongonalan Damo Duatn ko sia'. Aku paca'an hala momadahan ko sia' mongona'i Duatn oca' kasih Duatn ko Aku totap di dalapm hati sia' huatan oca' Aku totap bosatu agatn sia'.”

Yohanes 17:7

Watu ni'in sia' tohu obai somuo inyo Duatn onju' ko aku nantai bondar-bondar boasal doi' Duatn.

Yohanes 18:9

(Nantai tojadi oca' pomandiran Yesus tontai monjadi nyata, ia'an pomandiran Yesus timpu Io bodoa ko Allah Bopai-Nyo. Kato-Nyo, “Doi' boko urakng inyo Duatn onju' ko aku, co nyiant inyo bonaso.”)

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Yohanes 8:52

Boko pomimpitn agama Yahudi nantai bopandir ko Yesus, “Watu ni'in koi tohu obai Duatn bondar-bondar korasu'an sitatn! Obai, Abrahapm udah mati, ubo nian jam boko nabi. Apo Duatn mongatoan: somuo urakng inyo monuruti pomandiran-Ku, sia' co paca'an mati somanah-manahnyo.

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Roma 11:2

Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

2 Timotius 1:13

Ajaran doi' aku ko kolai ia'an contoh ajaran inyo bondar. Jumpati cam ajaran nantai agatn totap hala pocayo ko Yesus huatan mongasihi urakng bukai di dalapm Kristus Yesus.

Ibrani 2:12

Kato Yesus ko Allah, “Aku tajahan momboritoan mongona'i Duatn ko boko somadikan-Ku. Aku tajahan momuji Duatn di dalapm jomaat.”

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

1 Petrus 1:1

Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.

Wahyu 3:8

Aku tohu somuo inyo kaitn labuhan. Aku tohu kaitn co tolalu kuat. Apo, kaitn totap monaati Pandir-Ku. Kaitn borani mongaku'i obai kaitn ia'an murid-Ku. Obai nantai, porhatiancam! Aku udah mombuka' lawakng pakai' kaitn. Conyiant ado siku' urakng pan ulih monutupnyo.