Yohanes 17:5 - Porjanjian Boharu Torjomahan Baso Dilakng Soari-ari

⁵ Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 17:5 ပူးပေါင်းရင်းမြစ်များ

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 10:30

Aku huatan Bopai-Ku siku'mo.”

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

Filipi 2:6

Memang bondar, Yesus Kristus samo agatn Allah. Apo, Sio kinyo bopikir Sio gola' momportahatan kodudu'an nantai.

Ibrani 1:10

Allah pan bopandir dinga' ni'in mongona'i Ana'-Nyo, “Doi' mulonyo, oi Tuhatn, Duatn mombulah bumi. Duatn mombulah langit agatn jari Duatn siku'.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

1 Petrus 1:20

Allah udah momilih Sio sobolupm dunia dipulah. Apo, hoyu' ari toahir ni'in, Kristus udah datakng monyatoan diri-Nyo. Sio molabuhan nantai pakai' kaitn.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

1 Yohanes 1:2

Sio inyo moonji'i hidup somanah-manahnyo ado bosamo Allah Bopai. Apo timpu Sio datakng di dunia, koi ulih moniant-Nyo. Hidup somanah-manahnyo nantai ditunju'an-Nyo ko koi huatan watu ni'in, koi boritoan ko kaitn mongona'i hidup somanah-manahnyo nantai.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.