Yohanes 17:2 - Porjanjian Boharu Torjomahan Baso Dilakng Soari-ari

² Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 17:2 ပူးပေါင်းရင်းမြစ်များ

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Yohanes 17:9

Jadi, Aku bodoa pakai' sia', bukainyo pakai' boko urakng bukai di dunia ni'in. Aku bodoa pakai' sia' inyo Duatn udah onju' ko aku. Aku bodoa pakai' sia' obai sia' nam umputn Duatn.

Yohanes 17:6

“Ado boko urakng doi' dunia ni'in inyo Duatn sorahan ko aku. Aku udah mongonalan Duatn ko sia' nantai. Sia' nam umputn Duatn, lalu Duatn udah moonju' sia' ko aku. Sia' udah monuruti la'apo pan pomandiran Duatn.

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 3:35

Allah, Bopai mongasihi Ana'-Nyo. Allah udah moonju' ko Sio kuaso dipucu' la'apo pan.

1 Yohanes 2:25

Ongko ninam inyo udah Sio janjian ko kito, ia'an hidup inyo somanah-manahnyo.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Yudas 1:21

Tuhatn kito, Yesus Kristus, paca'an monunju'an kasih sayang ko kito, ia'an Sio paca'an moonji'i kito kohidupan somanah-manahnyo. Kapikng kaitn monantian nantai, kaitn gola' totap hidup dalapm kasih Allah.

1 Yohanes 1:2

Sio inyo moonji'i hidup somanah-manahnyo ado bosamo Allah Bopai. Apo timpu Sio datakng di dunia, koi ulih moniant-Nyo. Hidup somanah-manahnyo nantai ditunju'an-Nyo ko koi huatan watu ni'in, koi boritoan ko kaitn mongona'i hidup somanah-manahnyo nantai.

1 Timotius 1:16

Apo malah nantaiam inyo monjadi alasan Yesus monunju'an kasih-Nyo ko aku, oca' Sio ulih monunju'an kosabaran-Nyo. Agatn ubo nian hal ni'in paca'an tojadi jam ko boko urakng bukai inyo nononyo pocayo ko Sio, huatan mondapat'an hidup somanah-manahnyo di sorugo.

Filipi 2:10

Allah molabuhan nantai oca' la'apo pan tajahan tundu' monyombah damo Yesus, Ia'an nantai la'apo pan inyo ado di langit, di bumi, ongko di babah bumi.

Efesus 1:20

inyo Sio gunoan pakai' mombulah Kristus bobali' hidup doi' komatian ongko mombulah Kristus dudu' di tompat inyo tohormat di sopia' kanan Sio di sorugo.

1 Korintus 15:25

Obai, Sio gola' momorintah sobagai Rajo sampai Allah bulah somuo musuh-Nyo tundu' di babah kaki-Nyo

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”