Yohanes 17:13 - Porjanjian Boharu Torjomahan Baso Dilakng Soari-ari

¹³ Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Yohanes 17:13 ပူးပေါင်းရင်းမြစ်များ

Yohanes 13:3

Apo, Yesus tohu obai Allah Bopai udah monyorahan somuo kuaso ko Io. Sio tohu jam obai Sio datakng doi' Allah huatan paca'an bobali' ko Sio jam.

Yohanes 15:11

Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

1 Yohanes 1:4

Koi monulis somuo ni'in oca' hati koi bondar-bondar sonang-nyamanam.

2 Yohanes 1:12

Ija' banya' hal inyo honda' ku padahan ko kaitn. Apo aku cuku honda' momakai surat. Aku boharap ulih mondataki kaitn lalu ulih bopandir bohadapan. Aku honda' sama'an nantai oca' kito samo mooso'i sonang-nyamanam soponuhnyo.