Yohanes 17:12 - Porjanjian Boharu Torjomahan Baso Dilakng Soari-ari

¹² Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 17:12 ပူးပေါင်းရင်းမြစ်များ

Yohanes 18:9

(Nantai tojadi oca' pomandiran Yesus tontai monjadi nyata, ia'an pomandiran Yesus timpu Io bodoa ko Allah Bopai-Nyo. Kato-Nyo, “Doi' boko urakng inyo Duatn onju' ko aku, co nyiant inyo bonaso.”)

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

2 Tesalonika 2:3

Jangan kaitn pocayo huatan sampai disosatan ulih sopo pan agatn caro la'apo pan. Obai, sobolupm Yesus datakng, paca'an ado watunyo di mono banya' urakng monula' Allah. Ongko, Siku' urakng Rajo inyo jahat paca'an datakng. Yesus paca'an mombonasoan io.

Ibrani 2:13

Yesus pan bopandir dinga' ni'in jam, “Aku tajahan yakitn boharap ko Allah.” Sio bopandiran ni'in jam, “Ni'inan Aku agatn boko poana'an inyo udah dionju' Allah ko aku.”

Yohanes 17:6

“Ado boko urakng doi' dunia ni'in inyo Duatn sorahan ko aku. Aku udah mongonalan Duatn ko sia' nantai. Sia' nam umputn Duatn, lalu Duatn udah moonju' sia' ko aku. Sia' udah monuruti la'apo pan pomandiran Duatn.

Filipi 2:9

Nantai sobabnyo Allah mombulah Sio monjadi kotakng pontikng. Allah moonju' damo ko Sio inyo lobih bokuaso di pucu' somuo inyo bukai.

Wahyu 19:12

Mato-Nyo sama'an api tongahan bonyalo. Sio ado banya' mahkota di kopala'-Nyo. Ado damo totulis di Sio inyo kinyo dikotohu'i sopo pan, solaitn Sio siku'.