Yohanes 16:8 - Porjanjian Boharu Torjomahan Baso Dilakng Soari-ari

⁸ Watu Sio datakng, Sio paca'an bulah boko urakng di dunia sadar mongona'i boko hal ni'in: mongona'i dosa, huatan mongona'i la'apo inyo bondar, huatan mongona'i hukupan.

Yohanes 16:8 ပူးပေါင်းရင်းမြစ်များ

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 16:9

Sio paca'an bulah sia' sadar mongona'i dosa obai sia' kinyo pocayo ko Aku.

Yohanes 8:46

Sopo di antaro kaitn inyo ulih mombutian obai Aku bulah dosa? Aman Aku mongatoan kobondaran, hibo kaitn co pocayo pomandiran-Ku?

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

1 Korintus 14:24

Umpamonyo, somuo kaitn inyo pocayo bokumpul di sobuti' tompat. Watu nantai, somuo kaitn monyampaian posatn-pontal doi' Allah. Lopas nian, ado urakng luar damo urakng inyo kinyo pocayo inyo mansu' ko dalapm tompat nantai. Somuo pomandiran kaitn paca'an monunju'an boko dosanyo ongko bulah io sadar paca'an boko dosanyo.

Yudas 1:15

Sio paca'an mohakipi somuo urakng. Sio paca'an mohukupm somuo urakng obai porbuatannyo inyo jahat. Sio paca'an mohukupm somuo urakng bodosa obai boko pomandiran jahat inyo dipandiran ko Tuhatn.”