Yohanes 16:5 - Porjanjian Boharu Torjomahan Baso Dilakng Soari-ari

⁵ Apo watu ni'in Aku bobali' pulakng ko Bopai inyo udah moutus Aku. Biar pan ubo nian, co nyiant ado doi' antaro kaitn inyo botakutn ko aku, ‘Ko mono pojalatan Duatn?’

Yohanes 16:5 ပူးပေါင်းရင်းမြစ်များ

Yohanes 13:3

Apo, Yesus tohu obai Allah Bopai udah monyorahan somuo kuaso ko Io. Sio tohu jam obai Sio datakng doi' Allah huatan paca'an bobali' ko Sio jam.

Yohanes 13:36

Simon Petrus bopandir ko Yesus, “Tuhatn, ko mono Duatn botula'?” Timbas Yesus, “Watu ni'in kolai culih tuyut ko tompat Aku botula'. Apo nononyo kolai paca'an tuyut Aku.”

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Yohanes 16:10

Sio paca'an bulah sia' sadar obai Aku bondar, obai Aku bobali' ko Bopai lalu kaitn kinyo moniant Aku agi'.

Yohanes 16:16

Yesus pan momadahan, “Ija' sobontar cam, kaitn co paca'an moniant Aku. Apo sobontar agi' lopas nantai kaitn paca'an moniant Aku agi'.”

Yohanes 16:17

Mondinga' nantai, boboropo murid Yesus bopandir ko siku'-monyiku', “La'apo masudnyo Sio bopandir ko kito, ‘Ija' sobontar cam, kaitn co paca'an moniant Aku, apo ija' sobontar agi' cam lopas nantai kaitn paca'an moniant Aku agi'?’ La'apo masudnyo Sio bopandir, ‘Obai Aku botula' ko Bopai?’ ”

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 17:13

Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 6:62

Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.