Yohanes 16:32 - Porjanjian Boharu Torjomahan Baso Dilakng Soari-ari

³² Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

Yohanes 16:32 ပူးပေါင်းရင်းမြစ်များ

Matius 26:31

Di santai, Yesus bopandir ko sia', “Watu malapm ni'in jam, kaitn somuo paca'an moninggalan Aku. Obai gola' tojadi sosuai agatn pomandiran Allah ni'in inyo totulis dalapm Buku Suci: ‘Aku paca'an mombunuh Gombala nantai, lalu boko domba-Nyo paca'an botomboburan.’

Yohanes 8:29

Sio inyo moutus Aku ado bosamo-Ku. Sio co moninggalan Aku sonsiku'an, obai Aku hala molabuhan la'apo inyo monyonangan hati-Nyo.”

Yohanes 8:16

Biar pan Aku mohakipi, koputusan-Ku nantai bondar. Obai, Aku co mohakipi sonsiku'an Ku. Allah Bopai inyo moutus-Ku ado bosamo-Ku.

Markus 14:27

Di santai, Yesus bopandir ko sia', “Malapm ni'in, kaitn somuo paca'an moninggalan Aku. Obai gola' tojadi sosuai agatn pomandiran Allah ni'in inyo totulis dalapm Buku Suci: ‘Aku paca'an mombunuh gombala nantai, lalu kabatn dombanyo paca'an botomboburan.’

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Yohanes 20:10

Lalu, boko murid Yesus nantai pulakam.

Yohanes 16:25

Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 4:23

Apo nononyo paca'an datakng watunyo, malahan udah datakam watunyo nantai, boko urakng inyo bondar-bondar monyombah Allah Bopai, sia' paca'an monyombah Sio dalapm Roh Allah. Sia' pan paca'an monyombah Bopai sobagai Allah inyo bondar. Obai, Allah Bopai bogoyap boko urakng inyo monyombah Sio agatn caro nantai.

Yohanes 4:21

Kato Yesus ko io, “Indai, pocayo cam agatn pomandiran-Ku ni'in: Nononyo datakng watunyo urakng paca'an monyombah Allah Bopai di mono ja', bukainyo di bukit ni'in, bukainyo jam di Yerusalem.

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Yohanes 5:28

Jangan kaitn hiratn agatn hal ni'in. Obai, paca'an datakng watunyo somuo urakng mati paca'an mondinga' saro-Nyo.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Markus 14:50

Lalu somuo murid Yesus morarian diri moninggalan Sio.

Yohanes 16:31

Kato Yesus ko sia', “Kaitn bondar-bondar pocayoam watu ni'in?

Yohanes 19:27

Sio jam bopandir ko murid-Nyo nantai, “Watu ni'in Sio monjadi ubo indai kolai!” Soja' doi' nantai, murid-Nyo nantai monorima' indai Yesus diapm di rumahnyo.

Kisah Boko Rasul 21:6

Lopas jadi bopadah pulakng, koi noi' jumpat ko kapal, huatan sia' pulakng ko rumah siku'-monyiku'.