Yohanes 16:25 - Porjanjian Boharu Torjomahan Baso Dilakng Soari-ari

²⁵ Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.

Yohanes 16:25 ပူးပေါင်းရင်းမြစ်များ

Markus 4:13

Lalu Yesus bopandir ko sia', “Aman kaitn co mongoroti poumpamoan nantai, ubo apo kaitn ulih mongoroti somuo poumpamoan inyo bukai?

Markus 4:34

Yesus hala momakai poumpamoan aman Sio mongajar boko urakng nantai. Apo aman Sio siku' agatn boko murid-Nyo, Sio monjolasan somuonyo ko sia'.

Markus 8:32

Yesus momandiran ko boko murid-Nyo mongona'i hal nantai agatn torus torakng. Apo Petrus mondudus Yesus ko sopia' ongko monogur Sio agatn koras.

Yohanes 10:24

Ado boko urakng Yahudi datakng bokumpul di sokolilikng Yesus. Kato sia' ko Sio, “Boropo manah agi' Duatn mombiaran koi gangga'-gua'an! Aman Duatn memang Kristus, Rajo Inyo Dijanjian Allah, padahancam agatn torus torakng ko koi.”

Yohanes 10:6

Yesus mongisahan poumpamoan nantai ko boko urakng Farisi, apo sia' co mongoroti la'apo inyo dimasud-Nyo.

Yohanes 16:12

Ija' ado banya' hal inyo honda' Ku padahan ko kaitn. Apo watu ni'in, kaitn bolupm sanggup monorima'nyo.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 16:32

Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.