Yohanes 16:19 - Porjanjian Boharu Torjomahan Baso Dilakng Soari-ari

¹⁹ Yesus tohu obai ado inyo honda' sia' takutan ko Sio. Jadi Sio bopandir, “La'apo inyo kaitn pandiran ko siku'-monyiku', kaitn honda' botakutn ko Aku mongona'i pomandiran-Ku tontai sobontar agi', kaitn co paca'an moniant Aku. Apo sobontar agi' lopas nantai kaitn paca'an moniant Aku agi'. Nianam bai inyo honda' kaitn takutan ko Aku tai?

Yohanes 16:19 ပူးပေါင်းရင်းမြစ်များ

Yohanes 16:30

Watu ni'in, koi tohu obai Duatn mongotohu'i boko la'apo pan. Duatn co pontikng urakng monakutan la'apo pan ko Duatn obai Duatn udah tohu. Obai nantai, koi pocayo obai Duatn datakng doi' Allah.”

Yohanes 16:16

Yesus pan momadahan, “Ija' sobontar cam, kaitn co paca'an moniant Aku. Apo sobontar agi' lopas nantai kaitn paca'an moniant Aku agi'.”

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Matius 9:4

Apo, Yesus mongotohu'i pikiran sia'. Jadi, Io bopandir, “Pikiran dalapm hati kaitn jahat!

Matius 6:8

Jadi, padohan kaitn bodoa sama'an sia'. Obai, Allah Bopai kaitn udah mongotohu'i kopontikan kaitn sobolupm kaitn mominto ko Sio.

Markus 9:32

Sia' kinyo mongoroti pomandiran nantai. Apo sia' pan gola' botakutn ko Yesus mongona'i la'apo masud Sio mongona'i hal nantai.

Yohanes 6:61

Apo Yesus mongotohu'i di dalapm hati-Nyo obai boko murid-Nyo botuta' bomamai mongona'i hal nantai. Jadi, Sio bopandir ko sia', “Kata'an ajaran nantai mombulah hati kaitn co honda' pocayo agi' ai?

Yohanes 16:18

Jadi sia' totap monakutannyo, “La'apo masudnyo, ‘Sobontar agi'?’ Kito co mongoroti pomandiran-Nyo.”

Yohanes 16:23

Timpu nantai, kaitn co paca'an botakutn la'apo pan agi' ko aku. Pondinga'ancam boboi'cam inyo Ku padahan ni'in: Bopai-Ku paca'an moonji'i ko kaitn lapo ja' inyo kaitn pinto ko Sio dalapm damo-Ku.

Yohanes 16:26

Timpu nantai, kaitn paca'an minto ko Bopai dalapm damo-Ku. Aku co pontikng minto doi' Bopai pakai' kaitn.