Yohanes 16:17 - Porjanjian Boharu Torjomahan Baso Dilakng Soari-ari

¹⁷ Mondinga' nantai, boboropo murid Yesus bopandir ko siku'-monyiku', “La'apo masudnyo Sio bopandir ko kito, ‘Ija' sobontar cam, kaitn co paca'an moniant Aku, apo ija' sobontar agi' cam lopas nantai kaitn paca'an moniant Aku agi'?’ La'apo masudnyo Sio bopandir, ‘Obai Aku botula' ko Bopai?’ ”

Yohanes 16:17 ပူးပေါင်းရင်းမြစ်များ

Yohanes 16:16

Yesus pan momadahan, “Ija' sobontar cam, kaitn co paca'an moniant Aku. Apo sobontar agi' lopas nantai kaitn paca'an moniant Aku agi'.”

Yohanes 16:5

Apo watu ni'in Aku bobali' pulakng ko Bopai inyo udah moutus Aku. Biar pan ubo nian, co nyiant ado doi' antaro kaitn inyo botakutn ko aku, ‘Ko mono pojalatan Duatn?’

Markus 9:32

Sia' kinyo mongoroti pomandiran nantai. Apo sia' pan gola' botakutn ko Yesus mongona'i la'apo masud Sio mongona'i hal nantai.

Yohanes 16:19

Yesus tohu obai ado inyo honda' sia' takutan ko Sio. Jadi Sio bopandir, “La'apo inyo kaitn pandiran ko siku'-monyiku', kaitn honda' botakutn ko Aku mongona'i pomandiran-Ku tontai sobontar agi', kaitn co paca'an moniant Aku. Apo sobontar agi' lopas nantai kaitn paca'an moniant Aku agi'. Nianam bai inyo honda' kaitn takutan ko Aku tai?

Yohanes 14:5

Tomas bopandir ko Sio, “Tuhatn, koi co tohu ko mono Duatn botula'. Jadi, sama'an apo koi tohu jalatn ko su'utn?”

Yohanes 12:16

(Timpu nantai, boko murid Yesus co mongoroti boko hal nantai. Apo, lopas Yesus dimuliaan molalu'i komatian huatan konoi'an-Nyo ko sorugo, hoyu' sia' mongoroti obai boko hal nian totulis mongona'i Yesus. Sia' mongoroti obai boko hal ni'in inyo sia' pulah ko Yesus, udah sosuai agatn pomandiran nabi nantai.)

Lukas 18:34

Apo koduo bolas rasul-Nyo samo sokali kinyo mongoroti somuo inyo dipandiran Yesus nantai. Sia' co tohu la'apo inyo dimasud-Nyo. Roti inyo sobondarnyo doi' boko pomandiran inyo dipandiran-Nyo, co sia' mongoroti.

Markus 9:10

Sia' monyimpatn porintah nantai di antaro sia' siku'. Sia' botakutn ko siku'-monyiku' lapo inyo di masud Yesus agatn “Bobali' hidup doi' komatian”.

Yohanes 16:1

Aku momadahan somuo nantai oca' kaitn co botongga' pocayo ko aku.

Yohanes 14:22

Yudas (Apo bukainyo Yudas Iskariot) bopandir ko Yesus, “Tuhatn, obai apo Duatn honda' monyatoan diri Duatn ko koi, apo kinyo boko urakng bukai di dunia?”

Lukas 9:45

Apo boko murid-Nyo kinyo mongoroti pomandiran-Nyo nantai. Allah mombumbutn rotinyo doi' sia', oca' sia' co mongoroti. Sia' gola' botakutn ko Yesus mongonaꞌi roti doi' pomandiran-Nyo.

Yohanes 16:18

Jadi sia' totap monakutannyo, “La'apo masudnyo, ‘Sobontar agi'?’ Kito co mongoroti pomandiran-Nyo.”