Yohanes 15:8 - Porjanjian Boharu Torjomahan Baso Dilakng Soari-ari

⁸ Aman kaitn bobuah lobat, lalu kaitn monunju'an obai Bopai-Ku mulia. Agatn ubo nian, kaitn maho bondaram monjadi boko murid-Ku.

Yohanes 15:8 ပူးပေါင်းရင်းမြစ်များ

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Yohanes 13:35

Aman kaitn hala mongasihi siku'-monyiku', jadi somuo urakng pan paca'an tohu obai kaitn nanam boko murid-Ku.”

Yohanes 15:5

Aku ninam kondukng anggur. Kaitn nam samo sama'an dahatnnyo. Urakng gola' totap bosatu agatn Aku, lalu Aku paca'an bosatu agatn io. Aman ubo nian, io paca'an bobuah lobat. Obai, aman kaitn co bosatu agatn Aku, jadi kaitn culih bulah la'apo pan inyo boi'.

Yohanes 8:31

Lalu, Yesus bopandir ko boko urakng Yahudi inyo udah pocayo ko Sio. Kato-Nyo, “Aman kaitn sotia monuruti ajaran-Ku, boroti kaitn bondar-bondar murid-Ku.

1 Korintus 10:31

Apo aku momandiran ni'in: Aman kaitn makatn, damo minum, damo molabuhan la'apo pan, labuhancam somuonyo oca' urakng bukai momuji Allah.

1 Korintus 6:20

Allah udah momboli kaitn huatan mombayarnyo lunas. Obai nantai, gunoan cam bukakng-tubuh kaitn pakai' moninggian Allah.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Titus 2:10

Sia' co ulih mongolit'i boko kodampuan habakng sia'. Apo sia' gola' sotia huatan bujur bondar. Aman sia' hidup agatn caro nantai, urakng bukai paca'an moniantnyo huatan sonang agatn ajaran mongona'i Allah, Ponyolamant kito.

Titus 2:5

oca' sia' mongondalian diri sia', oca' sia' kinyo bulah dosa, oca' sia' rajitn moatur rumah tanggo sia', oca' sia' boi' hati, ongko oca' sia' monuruti pimpitan lakinyo. Aman sia' molabuhan inyo ubo nian urakng bukai kinyo bopandir monjahai'an Pomandiran Allah.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!