Yohanes 15:4 - Porjanjian Boharu Torjomahan Baso Dilakng Soari-ari

⁴ Kaitn gola' totap bosatu agatn Aku, lalu Aku paca'an totap bosatu agatn kaitn. Aman dahatn kinyo bosatu agatn kondukngnyo, jadi dahatn nantai culihnyo bobuah sonsiku'annyo. Ubo nian jam, kaitn culih bobuah aman kaitn co totap bosatu agatn Aku.

Yohanes 15:4 ပူးပေါင်းရင်းမြစ်များ

Matius 12:33

Sotiap urakng dikonal doi' porbuatannyo samo sama'an sotiap tontanaman dikonal doi' buahnyo. Aman sokayu' tontanaman boi', ongko buahnyo boi' jam. Aman sokayu' tontanaman kinyo boi', ongko buahnyo kinyo boi' jam.

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Yohanes 6:56

Sotiap urakng inyo bopua' isi-Ku huatan minum darah-Ku, sia' nam inyo bosatu agatn Aku huatan Aku bosatu agatn sia'.

Yohanes 8:31

Lalu, Yesus bopandir ko boko urakng Yahudi inyo udah pocayo ko Sio. Kato-Nyo, “Aman kaitn sotia monuruti ajaran-Ku, boroti kaitn bondar-bondar murid-Ku.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

2 Korintus 13:5

Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

Kolose 2:6

Kaitn udah pocayo obai Kristus Yesus nantai Tuhatn kito. Obai nantai, totap ja' hidup bosatu agatn Sio.

1 Tesalonika 3:5

Obai nantaiam aku gola' uti' Rajo Sitatn bohasil moncubo'i kaitn oca' co pocayo agi' ko Yesus. Soumpamonyo hal nantai tojadi, rotinyo somuo polayatan koi di antaro kaitn co nyiant pasalnyo. Aku co ulih monahan oso togonanganku agi', jadi aku moutus Timotius ko kaitn. Aku honda' mondinga' borito mongona'i kopocaya'an kaitn ko Yesus.

Ibrani 10:39

Apo kito bukainyo boko urakng inyo mundur ongko bonaso kito ia'an boko urakng inyo pocayo huatan disolamant'an.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo