Yohanes 15:25 - Porjanjian Boharu Torjomahan Baso Dilakng Soari-ari

²⁵ Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Yohanes 15:25 ပူးပေါင်းရင်းမြစ်များ

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 10:34

Timbas Yesus ko sia', “Dalapm Hukupm Torat kaitn ditulis obai Allah bopandir, ‘Kaitn nam allah’?

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 19:36

Nantai tojadi ko bangkai Yesus oca' lapo inyo ditulis di Buku Suci digonapi. Ni'in pomandirannyo: “Conyiant tulakng-Nyo inyo dipatahan.”

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 3:24

Apo Allah udah monunju'an koboi'an-Nyo ko monsio. Sio mombulah caronyo oca' urakng ulih monjadi bondar di hadapan-Nyo, nyiant usaha doi' sia'. Kristus Yesus inyo mombayar pakai' mombebasan sia' doi' hukupan dosa.

2 Korintus 11:7

Timpu aku momboritoan ko kaitn Kabar Boi' doi' Allah, aku co minto kaitn mombayarku. Kata'an nantai salah bai? Cado jam! Molabuhan lou' ubo nantai, aku morendahan diri oca' kaitn dihormati.

Galatia 2:21

Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.

2 Tesalonika 3:8

Koi co kalo makatn co bobayar. Koi uyuh jorih bokorojo siakng malapm pakai' momonuhi kopontikan koi siku'. Jadi, koi co kalo mouyuhi kaitn.

Wahyu 21:6

Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.