Yohanes 15:21 - Porjanjian Boharu Torjomahan Baso Dilakng Soari-ari

²¹ Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

Yohanes 15:21 ပူးပေါင်းရင်းမြစ်များ

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

Matius 10:39

Sotiap urakng inyo moutamoan kohidupannyo siku', sobondarnyo kinyo paca'an mondapat'an kohidupan inyo sobondarnyo. Apo sotiap urakng inyo monyorahan kohidupannyo siku' pakai' tuyut Aku, pasti paca'an mondapat'annyo.”

Matius 24:9

Lopas nantai boko urakng paca'an mondorako'i ongko mombunuh kaitn. Soluruh dunia paca'an bonci' agatn kaitn obai kaitn murid-Ku.

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Markus 13:13

Somuo monsio tajahan bonci' agatn kaitn obai kaitn nantai murid-Ku. Apo somuo urakng inyo totap botahatn, sotia koAku, sampai ahirnyo, sia' tajahan disolamant'an.”

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 16:3

Sia' paca'an molabuhan boko nantai obai sia' kinyo mongonal Bopai boi' pan agatn Aku.

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 8:19

Jadi, sia' bopandir ko Sio, “Di mono kironyo Bopai Duatn?” Timbas Yesus, “Kaitn co mongonal Aku damo Bopai-Ku. Soandainyo, kaitn bobondar mongonal Aku, pasti kaitn mongonal Bopai-Ku jam.”

Yohanes 8:54

Timbas Yesus, “Soandainyo Aku goyap hormat pakai' diri-Ku siku', jadi hormat nantai conyiant ado rotinyo. Inyo mohormati Ku nianam Bopai-Ku, ia'an Sio inyo kaitn sobut sobagai Allah kaitn nan.

Yohanes 8:55

Padohal, kaitn co mongonal-Nyo. Apo Aku mongonal Sio. Soandainyo Aku bopandir: Aku co mongonal Sio, jadi nantai boroti Aku urakng tumbukan, samo sama'an kaitn! Apo, Aku mongonal Sio, huatan Aku monuruti pomandiran Sio.

Kisah Boko Rasul 17:23

Aku udah bojojalatn di kota ni'in. Aku moniant banya' tompat monyombah boko duato kaitn. Ado sobuti' mesbah tompat molota'an posombahan jam agatn tulisan ni'in: ‘Pakai' monyombah duato inyo bolupm dikonal.’ Kaitn bolupm mongonal Sio, apo totap monyombah Sio. Aku moajaran mongona'i Sio nantai.

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Kisah Boko Rasul 4:17

Apo jangan sampai borito nantai mongkitn tosebar ko urakng banya'. Kito gola' moancapm sia' duo oca' sia' co bopandir sobagai utusan Urakng Nazaret nantai. Sia' pocayo Urakng Nazaret nantai am inyo moonji'i kuaso pakai' molabuhan mujisat nantai. Apo kito gola' morarakng sia' duo oca' co momboritoan ko sopo pan agatn kuaso Sio.”

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Kisah Boko Rasul 9:14

Ni'inan io datakng ko si'itn. Io ado surat kuaso doi' boko imam kopala' pakai' monangkap somuo urakng inyo moningkau damo Duatn.”

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

1 Korintus 2:8

Boko pomimpitn di dunia ni'in kinyo mongorotikopintar-corodi'an Allah nantai. Sokironyo sia' mongoroti mongona'i nantai, pasti sia' kinyo mohukupm mati di kayu salib Tuhatn Yesus inyo mulia.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

3 Yohanes 1:7

Obai, sia' botula' momboritoan mongona'i Kristus ko boko urakng inyo bolupm pocayo, huatan sia' co minto lapopan doi' boko urakng nantai.

Wahyu 2:3

Kaitn sabar, botahatn mohadapi ajab sonsaro obai damo-Ku. Kaitn co putus asa.