Yohanes 15:2 - Porjanjian Boharu Torjomahan Baso Dilakng Soari-ari

² Sotiap dahatn inyo ado di Aku inyo kinyo bobuah, Bopai-Ku momancapnyo lalu mombuakan dahatn nantai. Apo, sotiap dahatn inyo bobuah, Bopai-Ku momborosihi dahatn nantai oca'nyo bobuah lobat.

Yohanes 15:2 ပူးပေါင်းရင်းမြစ်များ

Matius 13:12

Obai, urakng inyo udah ado, paca'an dionji'i lobih banya' agi'. Apo urakng inyo conyiant, la'apo inyo ado di io paca'an dikuti'an doi'nyo.

Matius 13:33

Sio mongisahan poumpamoan ni'in jam ko sia'. Kato-Nyo, “Koraja'an Sorugo pan samo sama'an ragi roti. Siku' botina' mongurapmnyo ko dalapm kotakan banya' topukng. Ponjadi'nyo bulah somuo topukng inyo udah dikurapm nantai mongombakng.”

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Matius 21:19

Di pinggir jalatn, Sio moniant sokayu' kayu ara. Jadi, Sio mohampiki kayu nantai, apo co nyiant sobigi' pan buah kayu nantai. Ongkah ado doutnnyo am. Kato-Nyo ko kayu nantai, “Kolai paca'an co kalo bobuah agi'.” Lansukng kayu nantai mungguram.

Matius 25:29

Obai, urakng inyo udah ado, paca'an dionji'i lobih banya' agi' sampai bolimpah. Apo urakng inyo co nyiant, la'apo inyo ado di io pan paca'an dikuti' doi'nyo.

Matius 3:10

Kapak pakai' monobakng kayu tuntukng ko akarnyo udah tosodia. Jadi tontanaman inyo kinyo mohasilan buah inyo boi', paca'an ditobakng ongko ditikapan ko api.

Matius 3:12

Sio udah monjujut capatn pakai' monyongkayoan bigi' gandupm doi' johumannyo. Bigi' gandupm paca'an dikumpulan ko dalapm jurukng. Apo somuo johuman inyo kinyo boguno paca'an dicucul di dalapm api inyo kinyo kalo buta'.”

Matius 7:19

Sotiap tontanaman inyo kinyo mohasilan buah inyo boi', pasti ditobakng ongko dibuakan ko api.

Markus 4:20

Apo, tanah inyo subur monggambaran boko urakng inyo mondinga'an lalu kuat pocayo agatn Pomandiran Allah nantai. Obai nantai, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Lukas 8:13

Bonih inyo jatu' di tanah rado batu nantai samo sama'an boko urakng inyo mondingaꞌ pomandiran Allah, monorima'nyo kotakng rindakng. Apo bayo pocayo sobontar mo obai hati sia' kinyo borubah. Samo ubo tontanaman di tanah inyo bobatu bayo tumbuh sobontar obai kinyo boakar. Aman boko urakng ubo nantai mohadapi pouyuh-ponjorih, sia' kinyo pocayo agatn pomandiran Allah agi'.

Yohanes 15:1

Lopas nian Yesus bopandir, “Aku ninam samo agatn kondukng anggur inyo bondar. Bopai-Ku nam puku' kobutn huatan inyo morawat somuo tontanaman anggur nantai.

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:3

Kaitn udah borosih obai kaitn pocayo agatn la'apo inyo Ku pandiran ko kaitn.

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Yohanes 15:8

Aman kaitn bobuah lobat, lalu kaitn monunju'an obai Bopai-Ku mulia. Agatn ubo nian, kaitn maho bondaram monjadi boko murid-Ku.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

Roma 11:22

Jadi, kito ulih moniant obai Allah boi' hati apo Sio pan koras aman monsio gola' dihukupm. Sio botindak koras agatn boko urakng Yahudi nantai inyo kinyo pocayo. Apo Sio boi' hati agatn kaitn, asal kaitn totap hidup di dalapm koboi'an Allah nantai. Aman cado, kaitn tajahan dipatahan jam.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

1 Korintus 13:1

Sokironyo aku ulih bopandir dalapm bomacapm baso monsio damo boko baso molekat, apo aman aku co mongasihi urakng bukai, boroti komampuanku nantai kinyo boguno. Aku samo sama'an totawak inyo sombarakan ditombuh damo lonceng inyo bayo bulah tingal kolindakan mo.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.