Yohanes 15:15 - Porjanjian Boharu Torjomahan Baso Dilakng Soari-ari

¹⁵ Aku co ija' monyobut kaitn ‘hulutn’. Obai, hulutn co tohu la'apo inyo dikorojoan habakngnyo. Apo, Aku monyobut kaitn ‘kawal’. Obai, Aku udah momadahannyo ko kaitn boko la'apo pan inyo Kudinga' doi' Bopai-Ku.

Yohanes 15:15 ပူးပေါင်းရင်းမြစ်များ

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

Lukas 10:23

Jadi nantai, Yesus mongilikng ko boko murid-Nyo. Kato-Nyo husus ko sia' aja', “Kaitn diborokati Allah obai sampat moniant la'apo inyo kaitn tiat watu ni'in.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Yohanes 13:16

Pondinga'an bobondarcam! La'apo inyo Ku pandiran ni'in: Siku' urakng hulutn kinyo lobih pontikng doi' habakngnyo. Siku' urakng inyo diutus kinyo lobih pontikng doi' urakng inyo moutusnyo.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Yohanes 16:12

Ija' ado banya' hal inyo honda' Ku padahan ko kaitn. Apo watu ni'in, kaitn bolupm sanggup monorima'nyo.

Yohanes 17:26

Aku udah mongonalan Damo Duatn ko sia'. Aku paca'an hala momadahan ko sia' mongona'i Duatn oca' kasih Duatn ko Aku totap di dalapm hati sia' huatan oca' Aku totap bosatu agatn sia'.”

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Yohanes 4:19

Kato botina' nantai ko Sio, “Bopai, watu ni'in aku tohu obai Duatn ninam nabi.

Yohanes 8:26

Ija' ado banya' hal mongona'i kaitn inyo honda' Ku padahan huatan inyo honda' Ku hakipi. Apo, Aku ongkah monyampaian ko kaitn di dunia ni'in, boko hal inyo Ku dinga' doi' Sio inyo moutus Aku, Sio nianam inyo bondar.”

Roma 7:15

Aku kinyo tohu mapo aku molabuhan nantai. Aku co molabuhan boko porbuatan boi' inyo aku honda' labuhan. Apo aku molabuhan boko porbuatan jahat inyo aku bonci'.

1 Korintus 2:16

Sama'an inyo ditulis dalapm Buku Suci, “Co nyiant urakng inyo mongotohu'i pikiran Tuhatn Allah! Co nyiant urakng inyo ulih moonji'i nosihat ko Sio” Apo kito ulih mongoroti obai kito momakai pikiran Kristus.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Efesus 3:5

Pado joman komai, Allah kinyo momandiran roncana-Nyo nantai ko monsio. Apo watu ni'in, Sio momakai Roh-Nyo pakai' momadahannyo ko boko rasul ongko boko nabi inyo Sio pilih husus pakai' molayati Sio.

Kolose 1:26

hajat Sio inyo kinyo dikotohu'i monsio. Komai turutn-tomurutn, co nyiant monsio mongotohu'i roncana-Nyo nantai. Apo ni'in, Sio momadahan nantai ko boko urakng inyo pocayo.

Filemon 1:16

Masud ku, io bukainyo bayo pacal kolai. Io lobih doi' nantai. Watu ni'in, io nam somadikan soiman inyo tokasih. Aku udah mongasihi io. Nononyo kolai pan gola' mongasihi io lobih doi' nantai agi', obai io nam pacal kolai huatan obai kaitn somadikan di dalapm Tuhatn.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

Yakobus 2:23

Kojadian ubo nian pakai' mombutian obai la'apo inyo ditulis mongona'i Abrahapm memang bondar. Di Buku Suci ditulis, “Abrahapm pocayo ko Allah. Obai nianam, io monjadi bondar di hadapan Allah.” Jadi, io disobut “Kawal Allah.”

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.