Yohanes 15:11 - Porjanjian Boharu Torjomahan Baso Dilakng Soari-ari

¹¹ Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 15:11 ပူးပေါင်းရင်းမြစ်များ

Lukas 15:23

Lopas nian kuti' ana' sapi inyo gomu' huatan sombolihcam. Kito paca'an makatn huatan pogai.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Lukas 15:5

Watu io monomuannyo, io kotakng rindakng, mounjakan domba nantai di pucu' bohunyo, mombaba'nyo pulakng.

Lukas 15:9

Watu io monomuannyo, io kotakng rindakng, moningkau somuo kawal ongko totangganyo, ongko bopandir, ‘Huncapm kito rindakng-ramai. Duitku inyo hilakng udah kotomuan agi'!’

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Yohanes 17:13

Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

Efesus 5:18

Jangan kaitn mabu' obai anggur, obai urakng mabu' kinyo ulih monahan kohonda' bukakng-tubuhnyo. Apo kaitn gola' moikuti Roh Allah,

Filipi 1:25

Jadi, aku yakitn mongona'i ni'in: Aku tajahan totap diapm di dunia ni'in bosamo agatn kaitn oca' kaitn mongkitn kuat pocayo ongko mongkitn sonang-nyamanam obai nantai.

1 Tesalonika 5:16

Hala rindakng-rigahcam.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Yohanes 1:4

Koi monulis somuo ni'in oca' hati koi bondar-bondar sonang-nyamanam.

2 Yohanes 1:12

Ija' banya' hal inyo honda' ku padahan ko kaitn. Apo aku cuku honda' momakai surat. Aku boharap ulih mondataki kaitn lalu ulih bopandir bohadapan. Aku honda' sama'an nantai oca' kito samo mooso'i sonang-nyamanam soponuhnyo.