Yohanes 15:1 - Porjanjian Boharu Torjomahan Baso Dilakng Soari-ari

¹ Lopas nian Yesus bopandir, “Aku ninam samo agatn kondukng anggur inyo bondar. Bopai-Ku nam puku' kobutn huatan inyo morawat somuo tontanaman anggur nantai.

Yohanes 15:1 ပူးပေါင်းရင်းမြစ်များ

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 21:33

“Dinga'anbo kisah inyo bukainyo agi': Ado siku' urakng umputn tanah inyo bulah kobutn anggur. Sio bulah pagar sokolilikngnyo, mongali lubakng tompat mohapit buah anggur nantai, ongko moninjakan pos pakai' monjago'i kobutnnyo. Lopas nian, io monyewaan kobutn nantai ko boboropo potani, lalu botula' ko nogori bukai.

Markus 12:1

Lopasnyo Yesus bopandir ko sia' momakai poumpamoan. KatoNyo, “Ado urakng inyo mombulah kobutn anggur. Io mombulah pagar sokolilikngnyo, mongali lubakng tompat momoyah buah anggur nantai, ongko moninjakan monara jam oca' kobutn nantai dapat dijago'i. Lopasnyo, io monyewaan kobutn nantai ko boko potani, lalu borangkat ko nogori bukai.

Lukas 13:6

Lalu Yesus mongajar sia' agatn poumpamoan ni'in, “Ado urakng inyo bisi kobutn anggur. Io monanam kayu ara di santai jam. Opat io ko su'utn honda' moniant sopo tohu kayu ara nantai udah bobuah. Apo sotiap io ko su'utn, kayu ara nantai kinyo bobuah.

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 1:9

Torakng inyo bondar, Torakng inyo tongahan datakng ko dunia huatan monoraki somuo urakng.

Yohanes 15:2

Sotiap dahatn inyo ado di Aku inyo kinyo bobuah, Bopai-Ku momancapnyo lalu mombuakan dahatn nantai. Apo, sotiap dahatn inyo bobuah, Bopai-Ku momborosihi dahatn nantai oca'nyo bobuah lobat.

Yohanes 6:32

Timbas Yesus ko sia', “Pondinga'an bobondarcam inyo Ku pandiran ni'in: Bukainyo Musa inyo moonji'i kaitn roti doi' sorugo. Apo Bopai-Ku inyo moonji'i kaitn roti doi' sorugo, ia'an roti inyo sobondarnyo.

Yohanes 6:55

Obai, isi-Ku nam bondar-bondar pomakatn. Darah-Ku nam bondar-bondar minuman.

Roma 11:17

Apo ado boboropo urakng Yahudi inyo kinyo pocayo ko Yesus. Sia' samo sama'an boko dahatn inyo udah dipatahan doi' kayu nantai. Apo kaitn urakng bukainyo urakng Yahudi inyo pocayo samo sama'an tunas doi' batakng jaitun inyo liar inyo gonti boko dahatn nantai. Samo sama'an tunas dicangkokan ongko ulih hidup doi' gotah urat kayu jaitun nantai, ubo nian jam kaitn monjadi umant Allah ongko mondapat borokat doi' somuo inyo dijanjian ko boko urakng Yahudi inyo potamo.

1 Yohanes 2:8

Biar pan ubo nian, porintah nantai ulih dianggap boharu jam. Obai kobondarannyo ulih ditiat dalapm diri Kristus ongko dalapm diri kaitn. Obai, kogolapan mongkitn mohilakng huatan torakng inyo bondar mula'i bocohayo.