Yohanes 14:31 - Porjanjian Boharu Torjomahan Baso Dilakng Soari-ari

³¹ Apo somuonyo nantai gola' tojadi. Oca', boko urakng di dunia paca'an tohu obai Aku mongasihi Bopai. Sia' pan paca'an tohu obai Aku molabuhan somuo la'apo pan inyo Bopai porintahan ko aku. Nah, hincapm! Kito botula' doi' ninam!”

Yohanes 14:31 ပူးပေါင်းရင်းမြစ်များ

Matius 26:39

Lopas nian, Yesus botula' lobih jouh sodikit. Sio tundu' sampai ko tanah lalu bodoa. Kato-Nyo, “Oi Bopai-Ku, aman ulih, bebasanbo Aku doi' pondorita'an inyo gola' Kualapi ni'in. Apo jangan monurut kohonda'-Ku, apo monurut kohonda' Bopai ja'am inyo jadi.”

Matius 26:46

Huas cam! Hincapm kito botula'am ko sia'. Io inyo monjual Ku udah datakam.”

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 12:49

Obai Aku kinyo monyampaian pomandiran doi' kohonda'-Ku siku', apo doi' kohonda' Allah Bopai inyo moutus Aku. Sionam inyo moonji'i porintah ko aku, pomandiran inyo gola' Ku sampaian.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 15:9

Samo sama'an Bopai mongasihi Aku, ubo nian jam Aku mongasihi kaitn. Kohonda'nyo kaitn totap hidup samo sama'an urakng inyo Ku kasihi.

Yohanes 18:11

Apo Yesus bopandir ko io, “Sarukan podakng nan ko sarukngnyo. Apo bai kolai pikir Aku co paca'an minum doi' cangkir pondorita'an inyo dionju' Bopai ko Aku?”

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Filipi 2:8

Apotolagi', watu Sio monjadi monsio, Sio morendahan diri-Nyo ongko taat agatn kohonda' Allah sampai mati ia'an mati di kayu salib.