Yohanes 14:28 - Porjanjian Boharu Torjomahan Baso Dilakng Soari-ari

²⁸ Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Yohanes 14:28 ပူးပေါင်းရင်းမြစ်များ

Yohanes 14:18

Aku kinyo paca'an moninggalan kaitn sonsiku'an ubo boko bobia' kumang. Aku paca'an bobali' mo ko kaitn.

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Yohanes 13:16

Pondinga'an bobondarcam! La'apo inyo Ku pandiran ni'in: Siku' urakng hulutn kinyo lobih pontikng doi' habakngnyo. Siku' urakng inyo diutus kinyo lobih pontikng doi' urakng inyo moutusnyo.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Korintus 11:3

Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 14:12

Dinga'ancam boboi' inyo Ku pandiran ni'in: Urakng inyo pocayo ko aku, io paca'an molabuhan pogota'an sama'an inyo Aku labuhan. Malah io paca'an molabuhan boko pogota'an inyo lobih bosar daripado nantai. Kaitn paca'an ulih molabuhan sama'an nantai obai Aku botula' ko Bopai

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Matius 12:18

“Ninam Urakng inyo molayati Aku. Aku udah momilih Sio. Aku mongasihi Sio. Sio monyonangan hati-Ku. Aku paca'an moonji'i Roh-Ku ko Sio. Huatan Sio paca'an momboritoan ko somuo banso obai Aku paca'an molabuhan koadilan.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.