Yohanes 14:23 - Porjanjian Boharu Torjomahan Baso Dilakng Soari-ari

²³ Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

Yohanes 14:23 ပူးပေါင်းရင်းမြစ်များ

Yohanes 10:30

Aku huatan Bopai-Ku siku'mo.”

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Yohanes 14:21

Sotiap urakng inyo monorima' boko porintah-Ku huatan molabuhannyo jam, io ia'an urakng inyo bondar-bondar mongasihi Aku. Sotiap urakng inyo mongasihi Aku, io paca'an dikasihi Bopai-Ku. Aku pan paca'an mongasihi io. Aku paca'an moniant'an diri-Ku ko io.”

Yohanes 14:24

Apo urakng inyo co mongasihi Aku, io kinyo monuruti pomandiran-Ku. Pomandiran-Ku inyo kaitn dinga', sobondarnyo kinyo doi' Aku siku', apo doi' Allah Bopai inyo moutus Aku.

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 16:27

Sio paca'an mondinga'an kaitn obai Sio siku' mongasihi kaitn. Sio mongasihi kaitn obai kaitn mongasihi Aku huatan pocayo obai Aku datakng doi' Allah.

Yohanes 6:56

Sotiap urakng inyo bopua' isi-Ku huatan minum darah-Ku, sia' nam inyo bosatu agatn Aku huatan Aku bosatu agatn sia'.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Yohanes 8:52

Boko pomimpitn agama Yahudi nantai bopandir ko Yesus, “Watu ni'in koi tohu obai Duatn bondar-bondar korasu'an sitatn! Obai, Abrahapm udah mati, ubo nian jam boko nabi. Apo Duatn mongatoan: somuo urakng inyo monuruti pomandiran-Ku, sia' co paca'an mati somanah-manahnyo.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

1 Yohanes 2:24

Jadi, jangan kaitn tongga'an pocayo agatn ajaran inyo bondar, ia'an ajaran inyo udah kaitn dinga' doi' kaitn hoyu' mula'i pocayo. Aman kaitn molabuhan nantai, lalu kaitn paca'an hala hidup bosatu agatn Allah Bopai huatan Yesus Kristus, Ana'-Nyo.

1 Yohanes 2:5

Apo urakng inyo monuruti Pomandiran Allah, urakng nantai bondar-bondar ado kasih Allah di dalapm hatinyo. Hal nantai monunju'an obai kito hidup bosatu agatn Allah

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 5:3

Obai, aman kito mongasihi Allah rotinyo kito pan paca'an monuruti boko porintah-Nyo. Boko porintah-Nyo kinyo borat pakai' kito,

2 Yohanes 1:6

Ninam rotinyo mongasihi agatn sobondarnyo, ia'an nantai kito gola' monuruti boko porintah Allah. Ongko ninam porintah inyo udah kaitn dinga' doi' somulo, ia'an nantai kaitn gola' hidup hala mongasihi.

Wahyu 21:22

Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Wahyu 22:3

Di dalapm kota nantai, co nyiant inyo kona' tulahdoi' Allah. Tahta Allah agatn Ana' Domba nantai paca'an ada'an di dalapm kota nantai. Boko urakng inyo molayati Sio paca'an monyombah-Nyo,