Yohanes 14:20 - Porjanjian Boharu Torjomahan Baso Dilakng Soari-ari

²⁰ Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Yohanes 14:20 ပူးပေါင်းရင်းမြစ်များ

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 14:10

Kata'an kolai kinyo pocayo aman Aku bosatu agatn Bopai, huatan Bopai bosatu agatn Aku? Pomandiran-Ku kinyo boasal doi' diri-Ku siku', apo doi' Bopai inyo bosatu agatn Aku. Sionam inyo mongorojoan somuonyo nantai.

Yohanes 14:11

Kaitn gola' pocayo pomandiran-Ku ni'in: Aku bosatu agatn Bopai, huatan Bopai bosatu agatn Aku. Aman kaitn co pocayo pomandiran-Ku, sotidaknyo kaitn gola' pocayo obai somuo mujisat inyo Aku labuhan.

Yohanes 16:23

Timpu nantai, kaitn co paca'an botakutn la'apo pan agi' ko aku. Pondinga'ancam boboi'cam inyo Ku padahan ni'in: Bopai-Ku paca'an moonji'i ko kaitn lapo ja' inyo kaitn pinto ko Sio dalapm damo-Ku.

Yohanes 16:26

Timpu nantai, kaitn paca'an minto ko Bopai dalapm damo-Ku. Aku co pontikng minto doi' Bopai pakai' kaitn.

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 17:26

Aku udah mongonalan Damo Duatn ko sia'. Aku paca'an hala momadahan ko sia' mongona'i Duatn oca' kasih Duatn ko Aku totap di dalapm hati sia' huatan oca' Aku totap bosatu agatn sia'.”

Yohanes 17:7

Watu ni'in sia' tohu obai somuo inyo Duatn onju' ko aku nantai bondar-bondar boasal doi' Duatn.

Yohanes 6:56

Sotiap urakng inyo bopua' isi-Ku huatan minum darah-Ku, sia' nam inyo bosatu agatn Aku huatan Aku bosatu agatn sia'.

Roma 16:7

Salapm ko Andronikus ongko Yunias, boko somadikan doi' banso Yahudi samo sama'an aku. Sia' kalo ditamoan ko dalapm ponjara bosamo agatn aku. Sia' pocayo ko Kristus sobolupm aku, ongko sia' tokonal di antaro boko rasul.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

2 Korintus 12:2

Aku konal agatn siku' urakng inyo pocayo agatn Kristus. Ompat bolas tohutn komainyo, kali labuh Allah moangkat urakng nantai ko tompat inyo kotakan tinggi di sorugo. (Aku co tohu aman bukakng-tubuhnyo diangkat ko sorugo damo bayo rohnyo. Ongkah Allaham inyo mongotohu'i nantai.)

2 Korintus 13:5

Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

2 Korintus 5:19

Koi momboritoan obai molalu'i Kristus, Allah udah mombuka' jalatn oca' urakng ulih bodamai agi' agatn diri-Nyo. Sio kinyo mompohitukan kosalahan sia'. Sio udah moutus koi pakai' monyampaian kabar mongona'i podamaian nantai.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Kolose 1:19

Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

Kolose 2:9

Obai, Allah ado soponuhnyo di dalapm diri Kristus.

1 Yohanes 4:12

Conyiant ado siku' urakng pan inyo kalo moniant Allah. Apo, aman kito hala mongasihi, jadi Allah bosatu agatn kito, huatan kito bondar-bondar ado kasih Allah dalapm hati kito.