Yohanes 14:2 - Porjanjian Boharu Torjomahan Baso Dilakng Soari-ari

² Ado banya' kodiapan di rumah Bopai-Ku. Aku holuam botula' ko su'utn pakai' monyiap'an tompat bodiapm pakai' kaitn. Aman hal nantai kinyo bondar, co mungkitn Aku monjanjian hal inyo sama'an nantai ko kaitn.

Yohanes 14:2 ပူးပေါင်းရင်းမြစ်များ

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

Yohanes 13:36

Simon Petrus bopandir ko Yesus, “Tuhatn, ko mono Duatn botula'?” Timbas Yesus, “Watu ni'in kolai culih tuyut ko tompat Aku botula'. Apo nononyo kolai paca'an tuyut Aku.”

Ibrani 13:14

Obai di dunia ni'in kito conyiant kota tompat tinggal inyo somanah-manahnyo. Kito monanti-nantian kodiapan inyo tajahan datakng.

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.

Ibrani 11:10

Abrahapm hidup sama'an nantai obai io monanti-nantian sobuah kota agatn dasar inyo kuat, ia'an kota inyo dironcanaan ongko dipulah ulih Allah siku'.

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Ibrani 9:8

Agatn poraturan nantai, Roh Allah monunju'an ni'in: Somanah kemah inyo potamo nantai ija' ada'an, jadi jalatn mansu' ko Tompat inyo Suci nantai bolupm tobuka'.

1 Tesalonika 5:9

Kito gola' molabuhan nantai, obai Allah momilih kito oca' kito co kona' hukupan-Nyo. Sio momilih kito oca' kito disolamant'an molalu'i la'apo inyo dikorojoan Yesus Kristus, Tuhatn kito.

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Lukas 14:22

Lopas nian, hulutn nantai bopandir ko habakngnyo, ‘Habakng, aku udah molabuhan porintah duatn nantai, apo ija' ado tompat logo pakai' banyaꞌ tamu' agi'.’