Yohanes 14:19 - Porjanjian Boharu Torjomahan Baso Dilakng Soari-ari

¹⁹ Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Yohanes 14:19 ပူးပေါင်းရင်းမြစ်များ

Yohanes 16:16

Yesus pan momadahan, “Ija' sobontar cam, kaitn co paca'an moniant Aku. Apo sobontar agi' lopas nantai kaitn paca'an moniant Aku agi'.”

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.

Yohanes 11:25

Kato Yesus ko io, “Aku ninam inyo mombulah urakng bobali' hidup doi' komatian. Aku jam moonji'i urakng hidup inyo sobondarnyo. Sotiap urakng inyo pocayo ko aku, biar pan io mati, io totap paca'an hidup.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Yohanes 8:21

Yesus bopandir agi' ko sia', “Aku paca'an botula'. Kaitn paca'an monggoyapi Aku, apo kaitn paca'an mati di dalapm dosa kaitn. Culih kaitn datakng ko tompat Aku botula' nantai.”

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Kisah Boko Rasul 10:41

Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.