Yohanes 14:17 - Porjanjian Boharu Torjomahan Baso Dilakng Soari-ari

¹⁷ Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Yohanes 14:17 ပူးပေါင်းရင်းမြစ်များ

Matius 10:20

Jadi, sobondarnyo nantai bukainyo kaitn inyo bopandir. Apo Roh Allah Bopai di dalapm kaitn paca'an bulah kaitn momadahan pomandiran nantai.

Yohanes 14:16

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo.

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

1 Korintus 14:15

Jadi, gola' kito molabuhan ni'in: Kito gola' bodoa momakai roh kito. Apo kito pan gola' bodoa momakai akal budi kito. Kito gola' bonyanyi pujian momakai roh kito. Apo kito pan gola' bonyanyi pujian momakai akal budi kito.

1 Korintus 2:14

Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

2 Korintus 13:5

Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Efesus 2:22

Obai kaitn di dalapm Kristus, jadi kaitn pan monjadi bagian rumah nantai inyo ditinjakan monjadi kodiapan Allah, ia'an Roh-Nyo tinggal di dalapmnyo.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

2 Timotius 1:14

Kolai udah dipocayoan boko hal inyo borogo. Jagocam boko hal nantai agatn kokuatan doi' Roh Allah inyo ado di dalapm kito.

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 4:6

Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

1 Yohanes 5:7

Jadi ado tigo hal inyo bosasi mongona'i sopo Yesus sobondarnyo:

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”