Yohanes 14:13 - Porjanjian Boharu Torjomahan Baso Dilakng Soari-ari

¹³ lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia

Yohanes 14:13 ပူးပေါင်းရင်းမြစ်များ

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Markus 11:24

Obai nantai am, Aku bopandir ni'in ko kaitn: La'apo aja' inyo kaitn pinto dalapm doa, pocayo cam obai Allah udah moonju'nyo ko kaitn. Lopasnyo, kaitn tajahan monorima'nyo.

Matius 21:22

La'apo pan inyo kaitn minto dalapm doa, kaitn paca'an monorima'nyo, aman kaitn pocayo.”

Matius 7:7

“Mintocam ko Allah, ongko Sio paca'an moonji'inyo ko kaitn. Goyapcam, ongko kaitn paca'an mondapat. Ketokcam, ongko lawakng paca'an dibuka'an pakai' kaitn.

1 Yohanes 5:14

Kito jangan gola'am mohadap Allah obai ni'in: Sio paca'an mongabulan doa kito aman kito minto la'apo pan inyo sosuai agatn kohonda'-Nyo.

Yohanes 16:23

Timpu nantai, kaitn co paca'an botakutn la'apo pan agi' ko aku. Pondinga'ancam boboi'cam inyo Ku padahan ni'in: Bopai-Ku paca'an moonji'i ko kaitn lapo ja' inyo kaitn pinto ko Sio dalapm damo-Ku.

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 14:14

Aman kaitn minto apo saja' doi' Aku dalapm damo-Ku, jadi Aku paca'an molabuhannyo.”

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

Filipi 4:13

aku mampu mohadapi somuo koadaan obai Kristus moonji'i kokuatan ko aku.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Efesus 3:12

Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Yohanes 16:26

Timpu nantai, kaitn paca'an minto ko Bopai dalapm damo-Ku. Aku co pontikng minto doi' Bopai pakai' kaitn.

Yohanes 10:30

Aku huatan Bopai-Ku siku'mo.”

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Yohanes 7:37

Ari toahir doi' pogai Pondu' Doutn nantai udah datakng watunyoam. Nantai ari inyo kotakan pontikng doi' pogai nantai. Di tongahlamanan Rumah Allah, Yesus bodiritn lalu bopandir borakng, “Sopo aja' inyo korahakan, datakng ko Aku pakai' minum!

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 12:44

Lalu Yesus bopandir agatn saro borakng, “Sotiap urakng inyo pocayo ko aku kinyo haja' pocayo ko aku, apo pocayo ko Allah jam inyo udah moutus Aku.

Lukas 11:9

“Porotiancam, ubo nian jam halnyo agatn doa. Mintocam, kaitn paca'an dionji'i. Goyapcam, kaitn paca'an bodapat. Ketokcam, kaitn paca'an dibuka'an lawakng.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

Yohanes 5:19

Ongko Yesus monimbas boko pomimpitn agama Yahudi nantai. Kato-Nyo, “Pondinga'ancam bobondar, inyo Ku pandiran ni'in: Ana' kinyo molabuhan boko la'apo doi' kohonda' diri-Nyo siku'. Ana' ongkah molabuhan la'apo inyo Io tiat doi' Bopai. Obai, la'apo inyo dilabuhan Allah Bopai, nantai jam inyo dilabuhan Ana'.

Ibrani 13:15

Obai nantai, mara am kito hala momuji Allah ongko bosukur ko Sio molalu'i Yesus. Nantai monjadi kurbatn inyo kito posombahan ko Sio nam, kokato doi' mulut kito inyo momuji damo-Nyo.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Efesus 3:14

Obai nantai aku tundu' monyungkapan di hadapan Allah Bopai.

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 13:31

Lopas Yudas botula', Yesus bopandir, “Watu ni'in Ana' Monsio dimuliaan, huatan Allah pan dimuliaan molalu'i Ana' Monsio.

1 Korintus 14:13

Obai nantai, urakng inyo bopandir pakai baso roh gola' bodoa oca' io pan dionji'i komampuan pakai' monjolasan roti doi' pomandiran baso nantai ko urakng bukai inyo pocayo.