Yohanes 14:1 - Porjanjian Boharu Torjomahan Baso Dilakng Soari-ari

¹ Lalu Yesus bopandir ko boko murid-Nyo, “Jangannam hati kaitn golisah! Pocayocam ko Allah. Pocayocam ko aku.

Yohanes 14:1 ပူးပေါင်းရင်းမြစ်များ

Yohanes 11:33

Maria monangis huatan boko urakng Yahudi inyo datakng bosamo agatn io monangis jam. Pas Yesus moniant nantai, hati-Nyo kotakan salu'.

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 12:44

Lalu Yesus bopandir agatn saro borakng, “Sotiap urakng inyo pocayo ko aku kinyo haja' pocayo ko aku, apo pocayo ko Allah jam inyo udah moutus Aku.

Yohanes 13:19

Aku momandiran hal nantai ko kaitn watu ni'in, sobolupm hal nantai tojadi. Aku molabuhan sama'an nantai oca' watu hal nantai tojadi, jadi kaitn paca'an pocayo obai Aku ninam Sio Inyo Ado.

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

Yohanes 16:3

Sia' paca'an molabuhan boko nantai obai sia' kinyo mongonal Bopai boi' pan agatn Aku.

Yohanes 16:6

Apo ni'inan, hati kaitn salu' obai Aku momadahan mongona'i boko hal nantai ko kaitn.

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

2 Korintus 2:7

Jadi, ni'in, kaitn gola' moamputi io, ongko mohibur io oca' hatinyo kinyo monjadi kotakan salu' sampai bulah io putus asa.

Efesus 1:15

Obai nantai, doi' mulo aku mondinga' obai kaitn pocayo ko Tuhatn Yesus ongko kaitn mongasihi somuo umant husus umputn Allah,

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.