Yohanes 13:8 - Porjanjian Boharu Torjomahan Baso Dilakng Soari-ari

⁸ “Jangan, Tuhatn!” kato Petrus ko Sio, “Jangan sokali-kali Duatn mombasu'i kakiku!” Apo, Yesus monimbas, “Aman Aku co mombasu'i kaki kolai, rotinyo kolai kinyo ado hubukan agatn Aku.”

Yohanes 13:8 ပူးပေါင်းရင်းမြစ်များ

Matius 16:22

Apo Petrus monari' Yesus ko sopia' lalu monikaki Sio. Kato Petrus, “Jangan, Tuhatn! Co mungkitn Allah mombiaran Duatn ajab sonsaro sama'an nantai!”

Matius 21:29

Timbas ana'nyo nantai, ‘Cuku sanggup.’ Apo lopas nian io monyosal lalu botula' bokorojo di kobutn anggur nantai.

Matius 26:33

Petrus bopandir ko Yesus, “Mungkitn somuo kawal inyo bukai paca'an moninggalan Duatn, apo pasti aku cado!”

Matius 26:35

Kato Petrus ko Sio, “Biar pan aku gola' mati bosamo agatn Duatn, aku co paca'an bopandir co mongonal Duatn.” Somuo murid inyo bukai bopandir ubo nantai jam.

Yohanes 13:6

Watu Sio sampai ko Simon Petrus, Petrus bopandir, “Tuhatn, apo Duatn honda' mombasu'i kakiku jam?”

Yohanes 13:9

Jadi, Simon Petrus bopandir, “Aman sama'an nian, Tuhatn, jangan bayo mombasu'i kakiku, apo longan huatan kopala'ku jam!”

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Kisah Boko Rasul 22:16

Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Kolose 2:18

Ado urakng inyo pompadah rondah hati huatan monyombah boko molekat. Jangan biaran urakng sama'an nantai bulah kaitn pocayo ajaran inyo salah, sampai kaitn co dapat borokat doi' Allah. Urakng sama'an nantai buhau agatn mongatoan io ado boko poniant'an doi' Allah. Apo sobondarnyo pikirannyo duniawi inyo bulah io buhau.

Kolose 2:23

Memang boko poraturan nantai kotiat'annyo bopongaruh boi' obai boko urakng inyo moikuti gola' momoso diri pakai' monaatinyo. Sia' pompadah rondah hati. Sia' monyisa bukakng-tubuh sia' siku'. Apo somuo poraturan sama'an nantai kinyo boguno huatan ongkah bulah urakng honda' momuasan kohonda' dunia ni'in.

Titus 3:5

Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.