Yohanes 13:4 - Porjanjian Boharu Torjomahan Baso Dilakng Soari-ari

⁴ Jadi, watu Yesus tongahan makatn bosamo agatn boko murid-Nyo, Sio bodiritn, momucul jubah-Nyo, lalu mongobatan handok ko punggukng-Nyo.

Yohanes 13:4 ပူးပေါင်းရင်းမြစ်များ

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Lukas 17:7

“Soumpamonyo siku' urakng di antaro kaitn bisi siku' urakng hulutn inyo bogai di lakau kaitn damo mongombolo boko domba kaitn. Lopas jadi hulutn nantai pulakng doi' pokoroja'annyo, pasti kaitn kinyo bopandir ko io, ‘Huncapm! Torahatcam, makatn holu'ai!’

Lukas 17:8

Malah sobali'nyo. Kaitn paca'an bopandir ko io, ‘Gonti pakai'an kolai pakai' molayati aku. Siap'an pomakatn pakai' aku. Lopas jadi aku makatn-minum, hoyu' kolai ulih makatn.’

Lukas 22:27

Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Yohanes 13:12

Lopas Yesus udah mombasu'i kaki sia', Sio mongona'an agi' jubah-Nyo lalu dudu'. Lopas nantai, Sio bopandir ko sia', “Apo bai kaitn mongoroti apo inyo Aku labuhan pakai' kaitn?

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

1 Yohanes 3:11

Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.