Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanes 13:34 - Porjanjian Boharu Torjomahan Baso Dilakng Soari-ari

34 Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

အခန်းကိုကြည့်ပါ။ ကော်ပီ




Yohanes 13:34
38 ပူးပေါင်းရင်းမြစ်များ  

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.


Ninam porintah inyo Ku onju' ko kaitn: Kaitn gola' totap hala mongasihi.”


Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.


Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.


Aman urakng mongasihi boko urakng bukai, jadi io co tajahan bulah kojahatan ko sia'. Rotinyo, urakng inyo mongasihi boko urakng bukai udah momonuhi somuo porintah dalapm Hukupm Torat.


Janganam kaitn bohutakng la'apo pan ko sopo pan. Apo kaitn gola' hala mongasihi. Obai, urakng inyo mongasihi urakng bukai udah momonuhi somuo Hukupm Torat.


Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,


Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.


Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.


Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.


Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.


Koi bosukur obai koi udah mondinga' obai kaitn pocayo ko Yesus, Rajo inyo disobut ‘Kristus’. Koi pan bosukur obai koi mondinga' kaitn mongasihi somuo urakng umant Allah.


Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.


Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.


Kaitn gola' totap hala mongasihi sobagai boko urakng inyo bosomadikan dalapm Tuhatn.


Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.


Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.


Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.


Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.


Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.


Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.


Watu ni'in, aku minto ko Indai oca' kito hala mongasihi. Porintah nantai bukainyo porintah boharu inyo hoyu' ku tulis ko kaitn. Porintah nantai ia'an porintah inyo udah ado doi' mulonyo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ