Yohanes 13:21 - Porjanjian Boharu Torjomahan Baso Dilakng Soari-ari

²¹ Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Yohanes 13:21 ပူးပေါင်းရင်းမြစ်များ

Matius 26:21

Pas sia' tongahan makatn, Sio bopandir, “Pondinga'anba Aku! Salah siku' doi' kaitn paca'an monjual Aku ko boko musuh-Ku.”

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Markus 14:18

Tongahan sia' dudu' makatn di santai, Yesus bopandir, “Dinga'an bo! Siku' doi' antaro kaitn inyo makatn bosamo agatn Aku paca'an monyorahan Ku ko boko urakng inyo molawatn Aku.”

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 11:33

Maria monangis huatan boko urakng Yahudi inyo datakng bosamo agatn io monangis jam. Pas Yesus moniant nantai, hati-Nyo kotakan salu'.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

Kisah Boko Rasul 17:16

Jadi, Paulus monanti kodatakan Silas ongko Timotius di kota Atena. Pas io moniant di kota nantai ado banya' bondar lompatukng boko duato. Hal nantai mombulah hatinyo kotakan salu'.

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 11:38

Yesus kotakan salu' agi', lalu Sio botula' ko pasaran. (Pasaran nantai gua inyo ditutup agatn batu bosar.)

Yohanes 11:35

Lalu, Yesus monangis.

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Matius 26:38

Sio bopandir ko sia', “Hati-Ku kotakan salu', osonyo ubo honda' mati. Kaitn tinggal di si'itan ongko bojojago agatn Aku.”

Yohanes 13:22

Boko murid-Nyo mongilikng ko siku'-monyiku'. Sia' kotakng hiratn obai co tohu sopo inyo dimasud.