Yohanes 13:2 - Porjanjian Boharu Torjomahan Baso Dilakng Soari-ari

² Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 13:2 ပူးပေါင်းရင်းမြစ်များ

Kisah Boko Rasul 5:3

Apo Petrus bopandir, “Ananias, kolai udah mombiaran Rajo Sitatn monguaso'i hati kolai! Kolai moncubo monipu Roh Allah. Kolai tumbukan mongona'i hasil monjual tanah kolai inyo sobondarnyo. Kolai monyimpatn sobagi'an pakai' diri kolai siku'.

Wahyu 17:17

Apo somuo nantai tojadi obai Allah monggora'an hati sia' oca' sia' molabuhan nantai. Nantai sosuai agatn hajat Allah. Sio bulah sia' bosatu sopikiran pakai' monyorahan kuaso sia' ko bonatakng nantai. Bonatakng nantai paca'an bokuaso sampai somuonyo tojadi sosuai agatn Pomandiran Allah.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

Lukas 22:31

Lopas nian Yesus bopandir ko Simon Petrus, “Simon, Simon! Dinga'anbo! Rajo Sitatn udah monuntut ko Allah oca' molalu'i kosusahan io ulih monyongkayoan rasul inyo sotia doi' inyo kinyo sotia, samo samaꞌan potani monyongkayoan gandupm doi' kopunyo. Allah udah moijitan Rajo Sitatn molabuhan hal nantai.

Lukas 22:3

Lopas nian Rajo Sitatn momansu'i hati Yudas inyo disobut Iskariot, ia'an siku' urakng doi' koduo bolas rasul Yesus.

Yohanes 13:4

Jadi, watu Yesus tongahan makatn bosamo agatn boko murid-Nyo, Sio bodiritn, momucul jubah-Nyo, lalu mongobatan handok ko punggukng-Nyo.

Matius 10:4

Simon (urakng Zelot), Yudas Iskariot (inyo lopas nian monyorahan Yesus ko musuh-Nyo).

Yohanes 13:11

(Yesus udah tohu sopo paca'an monyorahan-Nyo ko boko musuh. Nantai sobabnyo Yesus bopandir, “Kinyo somuo kaitn borosih!”)