Yohanes 13:18 - Porjanjian Boharu Torjomahan Baso Dilakng Soari-ari

¹⁸ Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 13:18 ပူးပေါင်းရင်းမြစ်များ

Matius 10:36

Jadi, paca'an ado urakng inyo bomusuhan agatn urakng dalapm koluarganyo.

Matius 26:21

Pas sia' tongahan makatn, Sio bopandir, “Pondinga'anba Aku! Salah siku' doi' kaitn paca'an monjual Aku ko boko musuh-Ku.”

Matius 26:23

Timbas Yesus, “Urakng inyo moncolupan rotinyo ko dalapm mangku' bosamo Aku, io nanam inyo paca'an monjual Aku.

Markus 14:17

Pas malapm ari, Yesus datakng bosamo agatn koduo bolas murid-Nyo ko tompat nantai.

Markus 14:18

Tongahan sia' dudu' makatn di santai, Yesus bopandir, “Dinga'an bo! Siku' doi' antaro kaitn inyo makatn bosamo agatn Aku paca'an monyorahan Ku ko boko urakng inyo molawatn Aku.”

Markus 14:20

Timbas Sio, “Urakng nantai ia'an salah siku' doi' kaitn duo bolas ninam. Io ia'an urakng inyo moncolupan rotinyo ko dalapm mangku' samo agatn Aku.

Lukas 22:21

Apo, tiat! Urakng inyo tajahan monyorahan Aku ko musuh Ku, io tongahan dudu' di meja ni'in sosamo agatn Aku.

Yohanes 13:21

Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Yohanes 13:22

Boko murid-Nyo mongilikng ko siku'-monyiku'. Sia' kotakng hiratn obai co tohu sopo inyo dimasud.

Yohanes 13:26

Timbas Yesus, “Aku paca'an moncolupan sopingka'i roti lalu moonju' ko siku' urakng. Urakng nanam inyo paca'an monyorahan Aku ko musuh!” Jadi, Yesus monguti' roti, moncolupannyo, lalu dionju' ko Yudas, ana' Simon Iskariot.

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:19

Soandainyo kaitn ija' bosatu agatn boko urakng di dunia, pasti sia' mongasihi kaitn obai sokolompok agatn sia'. Apo, kaitn co bosatu agatn boko urakng di dunia. Aku udah momilih kaitn doi' sia'. Nantai sobabnyo sia' bonci'an kaitn.

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 18:32

(Nantai tojadi oca' pomandiran Yesus monjadi nyata, ia'an nantai pomandiran Yesus mongona'i caronyo Sio paca'an mati).

Yohanes 19:24

Boko projurit nantai bopandir ko siku'-monyiku', “Jangan kito birat-birat jubah ni'in. Mara kito boundi pakai' monontuan sopo inyo mondapat'annyo.” Nantai tojadi oca' lapo inyo ditulis di Buku Suci digonapi. Bunyi tulisannyo ni'in: “Sia' mombagi-bagi pakai'an-Ku. Sia' boundi pakai' jubah-Ku.” Hal nantai inyo dilabuhan boko projurit.

Yohanes 19:36

Nantai tojadi ko bangkai Yesus oca' lapo inyo ditulis di Buku Suci digonapi. Ni'in pomandirannyo: “Conyiant tulakng-Nyo inyo dipatahan.”

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Yohanes 6:70

Timbas Yesus ko sia', “Aku siku' udah momilih kaitn, koduo bolas urakng ni'in pan? Apo salah siku' di antaro kaitn nan sitatn!”

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 1:2

sampai watu Yesus noi' ko sorugo. Di masa polayatan-Nyo, Sio momilih duo bolas urakng doi' boko murid-Nyo, inyo disobut boko rasul. Watu ari toahir Yesus hidup, Sio ajab sonsaro sampai mati di kayu salib. Apo, lopas nantai, Sio monunju'an boko tando inyo nyata oca' boko rasul nantai pocayo obai Sio bondar-bondar hidup. Somanah ompat puluh ari, Sio moniant'an diri-Nyo boboropo kali ko boko rasul-Nyo. Sio moonji'i boko porintah ko boko rasul-Nyo agatn kuaso Roh Allah inyo ado dalapm diri-Nyo. Sio pan mongajar sia' mongona'i Koraja'an Allah, ia'an sama'an apo caro Tuhatn momimpitn umant-Nyo sobagai Rajo.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.