Yohanes 13:11 - Porjanjian Boharu Torjomahan Baso Dilakng Soari-ari

¹¹ (Yesus udah tohu sopo paca'an monyorahan-Nyo ko boko musuh. Nantai sobabnyo Yesus bopandir, “Kinyo somuo kaitn borosih!”)

Yohanes 13:11 ပူးပေါင်းရင်းမြစ်များ

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 13:21

Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Yohanes 13:26

Timbas Yesus, “Aku paca'an moncolupan sopingka'i roti lalu moonju' ko siku' urakng. Urakng nanam inyo paca'an monyorahan Aku ko musuh!” Jadi, Yesus monguti' roti, moncolupannyo, lalu dionju' ko Yudas, ana' Simon Iskariot.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 18:4

Apo, Yesus udah mongotohu'i boko hal inyo paca'an tojadi tohadap diri-Nyo. Jadi, Sio mohampiki sia', lalu botakutn, “Kaitn monggoyapi sopo?”

Yohanes 2:25

Sio co pontikng siku' urakng pakai' momadahannyo ko Sio mongona'i monsio, obai Sio tohu somuo inyo ado di dalapm hati monsio.